公仔箱論壇 - Powered by Discuz! Board

標題: [香港] 南亞罪案四處爆　禍根不除無寧日 [打印本頁]

作者: nmuk1e2 時間: 2017-2-8 02:21 PM 標題: 南亞罪案四處爆　禍根不除無寧日

香港社會紛紛擾擾，家嘈屋閉，新年流流，市民以為有幾日耳根清淨啦，點知都係事與願違。冇計喇，班南亞幫日日搞事，市民想安安樂樂過個年都難！
公仔箱論壇! I( L& [. U- j# E! ?$ D/ c& F
呢嗱，話口未完又嚟嘞。前晚十點幾，三名飲到滿身酒氣嘅印度籍兄弟，喺港鐵尖東站上車，其中一人撞到一名少女，sorry冇句不特止，仲要出口撩對方，惹來少女親友不滿，雙方激烈口角，期間印度籍青年不斷講粗口並拍打玻璃，有人更出手掌摑其中一名港男，雙方由車廂激戰至月台，印度青年最終不敵港男，被撳地制服，送警究治。正如事主話齋，南亞幫成日撩是鬥非，猶如社會上一個炸彈。

大家終於知點解喺元朗等南亞罪案重災區，街坊要組織「更練團」保衞家園喇。正所謂官府在遠，拳頭在近，今次班港男叫做打得吓，否則等得警察嚟，分分鐘畀人熔咗都似。之不過咁喎，制服南亞幫嘅本地薑中唯一受傷送院嘅，居然係一名休班警員，真係笑大人個口。講到呢度，功夫茶不期然諗起年前有警員喺重慶大廈截查一名南亞壯漢，結果畀人兜頭兜腦連舂九拳，毫無還擊之力，可能有啲差大哥平日眼中只有豐乳肥臀，搞到腎虛體弱啩，點講都好，市民都係自求多福穩陣啲。

提起南亞兵團罪案，真係一匹布咁長，除咗撩女打人，有人潛入地盤企圖爆格；有人闖入名錶專門店大肆搜掠，亦有南亞幫內訌開大片，至於幫黑社會睇場、販毒、貼街招勒索等，更加係陣容鼎盛，而且十居其九都係假難民所為，搞到香港陸沉咁滯。

係人都知，假難民橫行霸道，有恃無恐，皆因香港財路多，福利好，只要抵埗後舉手提出免遣返聲請，就可以賴死唔走，期間由香港納稅人供食供住，又可以打黑工食大茶飯，甚至以「人道理由」向法庭「索償」，咁好招呼，唔嚟就笨。不過有樣嘢大家可能有所不知，原來假難民就算打劫強姦斷正入獄，刑滿後被送去羈留中心，仍可持行街紙繼續喺社區活動，市民簡直有得震冇得瞓！& { \6 \5 W$ o" M5 v6 _

所以話，一日都係港府假仁假義，姑息養奸累事。包括本報在內嘅社會各界一直呼籲港府退出聯合國難民公約，對非法入境者實行即捕即解，又或者重設禁閉式難民營，點知港府好似借咗聾耳陳隻耳咁。港府之所以綁手綁腳，畏首畏尾，都係因為買嗰班偽善政客怕，驚畀人標籤「種族歧視」啫。徵信公會

咁就唔怪得偽善政客成日畀人鬧禍港殃民喇。開講有話，泥水佬開門口，過得自己過得人，試吓畀南亞幫騷擾嗰個係政客嘅妻女吖，你估佢哋嗌「大愛包容」仲有冇嗌得咁口響吖嗱？

歡迎光臨公仔箱論壇 (http://5.39.217.76/)