公仔箱論壇 - Powered by Discuz! Board

標題: [港澳台] 試工要博好表現財爺勿做守財奴 [打印本頁]

作者: serrurier 時間: 2017-1-29 12:52 PM 標題: 試工要博好表現財爺勿做守財奴

試工要博好表現 財爺勿做守財奴. y3 Q. s* ~$ D' q! i+ Z. g0 p6 s
tvb now,tvbnow,bttvb) L' p/ @4 Z' E, y* m n
早排有調查發現，市民今個農曆新年派利是普遍比舊年疏爽，家陣經濟前景不明，市民尚且冇話縮皮，港府肥到着唔到襪，下個月公布嘅財政預算案，向市民「派利是」斷估冇理由手緊喇啩！

大家有眼睇，截至舊年年底，港府盈餘數目已經增加至六百幾億元，同之前會計師事務所估計今個財年七百多億元盈餘相差不遠，亦即係較前財爺鬍鬚曾原先估計嘅高出六倍有多。對於預算變失算，繼任財爺陳茂波又係例牌三幅被，話因為土地收入大幅增加，特別係舊年第三、四季反彈力度強勁，以及地價創新高喎。tvb now,tvbnow,bttvb' O' Y5 L1 ?! \
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。+ |. M: ?: f0 v! ?4 P' y
提起鬍鬚曾，當年佢老哥曾經自嘲「人肉許願樹」，話每年一到發表預算案，社會各界要求紓困之聲此起彼落，結果佢年年托手(月爭)，連林村嗰棵「許願樹」都比佢靈驗多多聲，全城一致鬧爆。今年情況亦係差唔多，有人要求重推公屋租金寬免以及生果金「出雙糧」，有人提議將「N無人士」嘅津助恒常化，亦有人提議為未能上樓嘅公屋申請者提供津助。對於會唔會順應民意，波叔不置可否，淨係話聽到唔同意見，編製預算案時會遵循「應使得使」嘅原則喎，講咗等於冇講。
+ V, d" E1 o/ S' e$ w. c
正所謂，前車之覆，後車之鑑，奉勸波叔都係唔好再做守財奴嘞！睇番鬍鬚曾，除咗年年錯估盈餘錯到離題萬丈，最叻就係以「結構性財赤」恐嚇市民，一味撳住荷包唔肯放水紓困，結果九年下來贏得「史上最廢財爺」嘅罵名。嗱，咪睇佢近排起勢做親民騷，民望好似好高咁款，一到埋牙辯論，佢任內種種劣行肯定畀對手翻出嚟大肆攻擊，睇怕佢到時都幾難解畫。

橫計掂計，波叔都冇理由延續鬍鬚曾嘅孤寒財主路線。大家應該記得，CY曾經埋怨鬍鬚曾閂到個水喉實一實，以致好多政策無法推行。好嘞，依家「攔路虎」走咗，本屆政府亦冇連任壓力，係時候放手一搏喇！
5.39.217.76! H( D( Q( t# W! u; U
講開又講，有大學學者點評幾位特首參選人，話AO出身嘅人淨係識奉命行事，並非政治領導人才，特別係擔心鬍鬚曾一旦當選，會走番佢老友曾爵士嘅舊路，視社會福利同弱勢社群為負擔。會計師專業嘅波叔並無AO背景，由佢主理嘅預算案到底能唔能夠為市民帶嚟驚喜，好快就有分曉。

點講都好喇，一為神功，二為弟子，波叔呢半年財爺任期擺明屬於「試工」性質，即使唔為市民着想，都應該爭取表現，為過檔下屆政府鋪路。佢老哥之前醜聞多多，風評麻麻，家陣有好牌在手，就睇吓佢識唔識把握，做番場好戲洗底喇。

歡迎光臨公仔箱論壇 (http://5.39.217.76/)