公仔箱論壇 - Powered by Discuz! Board

標題: [港澳台] 有瓦遮頭成奢望生活質素點會好 [打印本頁]

作者: serrurier 時間: 2016-11-4 05:48 AM 標題: 有瓦遮頭成奢望生活質素點會好

有瓦遮頭成奢望  生活質素點會好

喺今時今日呢個「上樓靠父幹」嘅年代，如果冇一個富爸爸射住，又冇中六合彩，一個中等家庭想上車，唔吃唔喝唔消費，到底要儲幾多年錢至買得起一個幾百呎嘅豆腐膶單位呢？大家咪嚇親，答案係差不多十六年，問你怕未。
' w6 W( d$ c2 F+ A  q
中大公布去年「香港生活質素指數」，結果好似王小二過年咁，一年差過一年。有關調查由健康、文化與休閒、社會、經濟、環境五個類別共二十三個指標組成，除咗文化與休閒、環境兩項分類指數略有好轉，其餘分類指數都報跌，尤以經濟分類指數連跌九年最誇張，不論係置業負擔比率、實際租金指數、失業率抑或係經濟現況指數，通通直線向下，置業負擔比率甚至創下有調查以來新低添，都咪話唔閉翳。
9 W5 b! Q! [" T2 \, g5 h3 [
負責調查嘅學者係咁講嘅，中等家庭要零消費十五點六八年，先至可以儲夠錢買九龍市區一個四百呎單位，較前年同類調查長咗一年，反映本港經濟轉差，但樓價及租金高企，市民日子難過。咁又係呀，最近嘅財經新聞都離不開某樓盤成交價破頂、某屋苑再創癲價，就連自置公屋都大把人爭，住屋需求勁成咁，樓價邊可能跌吖。普通打工仔單靠一份牛工，莫講話上車難過登天，就算買咗樓亦要節衣縮食做一世樓奴，仲學咩人講生活質素喎。

其實，小市民嘅要求好卑微嘅咋，但求有瓦遮頭就心滿意足，點不知咁簡單嘅願望都變成奢望。唔講私樓嗰筆，淨係講輪候公屋咋，已經望到頸都長。呢，公屋輪候冊累積申請已經接近廿九萬宗，平均輪候時間長達四年半，再創歷史新高，同三年上樓承諾距離愈來愈遠，唔愁就假。唔怪得家陣唔止劏房、籠屋遍地開花，就連豬欄、雞場改建嘅居所亦成行成市，安居樂業求之不得咯喎，生活質素唔跌至奇喇。tvb now,tvbnow,bttvb8 {+ [1 r0 @( R; k4 ^- a3 T" }
公仔箱論壇7 B; ?% f- n9 u4 O6 C: d9 b+ F7 ~
所以話啫，香港社會問題千頭萬緒，歸根究柢係房屋問題。現屆政府話就話將房屋問題視為施政重中之重，點知一味得把口，唔止拓土建屋蝸行牛步，仲因為眼高手低，授人以柄，往往搞到一鑊泡。最好笑嘅係高官們仲大發春秋大夢，誇誇其談十幾年後嘅建屋大計，呢啲咪叫好高騖遠、畫餅充飢囉，都唔知呃到邊個。5.39.217.76# P- g0 p7 `5 O' }' Z- ^! F
tvb now,tvbnow,bttvb  L$ r; d/ ^' a
冇計嘞，地價高、樓價高、租金高，呢「三高」已經成為香港嘅死症，神仙都難救，加上社會陷入政治狂熱，日日家嘈屋閉，爭拗不斷，經濟民生問題無人關心，生活質素想唔變差都幾難。最怕低處未算低，香港唔止經濟死火，就連醫療、安老、教育亦一塌糊塗，咁搞落去，生活質素隨時衰過第三世界都似。

歡迎光臨公仔箱論壇 (http://5.39.217.76/)