公仔箱論壇 - Powered by Discuz! Board

標題: [港澳台] 長策不堪回首惟有奢談未來 [打印本頁]

作者: serrurier 時間: 2016-10-31 06:21 AM 標題: 長策不堪回首惟有奢談未來

長策不堪回首 惟有奢談未來
5.39.217.76% y- x4 m# _7 ]+ j- o
小學生寫「我的志願」，唔係太空人就係發明家，理想要幾宏大有幾宏大，幾十歲後望番轉頭，十居其九都係得啖笑。難為有啲高官，今日唔知聽日事，出年會唔會畀人叮走都未知，居然好意思暢談十幾年後嘅「施政志願」，你話係咪小學雞都不如吖！. ]+ r+ S) h9 M' w- W6 m

呢，政府日前公布《香港2030+︰跨越2030年的規劃遠景與策略》，聲稱就長遠規劃、土地及基建發展、環境建設等展開為期半年公眾諮詢，點知報告一出劣評如潮，有人質疑過分開發土地，有人批評「硬發展」。發展局局長陳茂波尋日再度發揮鍵盤戰士精神，撰寫網誌文章解畫，強調報告建議長遠規劃要積極為發展同環境兩者創造容量，又話香港土地係真短缺，從來只有「唔夠地」之實，而冇「太多地」之嫌，並唔存在「硬發展」嘅問題喎。
5.39.217.76. z+ h* v/ j4 n7 w; Q% B
唔知大家點睇，功夫茶就覺得上述爭拗同兩小兒辯日一樣咁無聊，事關政治一日都嫌太長，特別喺香港，各路政客對特首寶座虎視眈眈，你方唱罷我登場，連「波叔」老頂有冇得撈都仲係未知之數，試問佢何德何能講到二○三○年冇雷公咁遠？再講吖，今時今日社會爭拗無日無之，土地發展更加係阻力重重，連波叔自己都舉手投降，話政府冇魔術棒可以變出土地，報告話本港未來需要額外四千八百公頃土地，試問同畫餅充飢、望梅止渴有咩分別？* ^, x/ `" W4 d

不過又難怪波叔發白日夢大談「遠景策略」嘅，事關過去四年真係「往事不堪回首」。大家有眼見，公屋建屋進度距離達標愈來愈遠，輪候上樓嘅人龍愈排愈長，愈來愈多基層被迫住劏房；覓地建屋蝸行牛步，處處碰壁，再唔係就好似橫洲發展計劃咁搞到滿城風雨，添煩添亂，如果波叔係都要獻醜晒「政績」，咪盞陸雲亭睇相，唔衰攞嚟衰。點講都好，房屋問題愈演愈烈，波叔作為問責高官，絕對難辭其咎，唔反躬自省，反而學人展望未來，簡直笑大人個口，其實佢老哥唔再留低蘇州屎畀下屆政府，已經還得神落喇。
tvb now,tvbnow,bttvb" z D. V; x1 B" g3 I/ M+ \# ^
冇計喇，物以類聚，人以群分，今屆政府管治班子濫竽充數，拉雜成軍，唔夠班嘅又點止波叔一個吖。大家有眼睇，無論房屋、醫療、教育以至安老，港府施政瓣瓣唔掂，市民生活質素每況愈下；加上成個社會紛紛擾擾，家嘈屋閉，愈來愈多人想移民跳船，難為有人到依家仲話自己「迎難而上」、「擁抱難題」，知唔知個「醜」字點寫架！( l4 ?1 t! w0 U% m* R) n) O& w# \/ m

都係古人講得啱︰坐這山，望那山，一事無成。高官與其廢噏宏圖大計，不如認真做好眼前實事，好好過埋最後幾個月喇！

歡迎光臨公仔箱論壇 (http://5.39.217.76/)