公仔箱論壇 - Powered by Discuz! Board

標題: [港澳台] 渡海保安須檢討莫讓盛事變憾事 [打印本頁]

作者: serrurier 時間: 2016-10-17 05:32 AM 標題: 渡海保安須檢討莫讓盛事變憾事

渡海保安須檢討  莫讓盛事變憾事* v  ]! |- u7 L" h! w/ j4 w5 f( b

成日話香港人忙到周身唔得閒，運動不足，查實好多市民唔單止熱愛運動，仲鍾意挑戰自己體能極限添，之不過挑戰還挑戰，最緊要都係量力而為，否則分分鐘恨錯難返o架！
tvb now,tvbnow,bttvb, Z# C0 D! \4 h; @
冇錯嘞，功夫茶講緊嘅咪係尋日舉行嘅維港渡海泳囉。今屆比賽反應空前踴躍，吸引近三千人參加，可惜吖，其中有兩名參賽者途中遇溺送院，五十九歲女泳手目前情況嚴重，另一位四十六歲男泳手則不幸喪生，而今次亦係維港渡海泳復辦六年以來最嚴重意外。一位工作勤奮又愛錫妻女嘅好爸爸就咁魂斷碧海，格外令人神傷。

話時話，同樣係體能消耗極大嘅運動，馬拉松始終喺陸上進行，選手有咩頭暈身(興)，都可以第一時間救援，相對而言，幾千人喺茫茫大海載浮載沉，人頭湧湧，救援難度大大增加。再講吖，欺山莫欺水，天氣、水溫以至潮汐流速，統統都對選手嘅發揮有切身影響，存在一定嘅風險，如果唔係，參賽者事前就唔使簽署「生死狀」喇！
( V  [3 v3 H; ^. ?9 J1 ?$ a
參賽者本身嘅狀態都好緊要，正如有醫生話齋，長時間劇烈運動造成極大體力消耗，容易導致心血管收窄及阻塞，從而增加缺氧危機。其實死者之前幾屆都有參加賽事，已經有番咁上下經驗，點知結果都係出事，正所謂天有不測風雲，人有旦夕禍福，要確保百分之百萬無一失，真係唔係話咁易。$ I% y+ o, E/ ^# R, X: ]. q
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 i* @) O+ @9 d8 ^
點講都好，生命冇take two，類似事故一宗都嫌太多，事後安全措施檢討點都唔少得，而呢方面亦有唔少改善空間。好似參賽准入資格咁，家陣賽前水試只係要求參賽者四十五分鐘內喺泳池游畢一千五百米，但泳池根本唔能夠反映海上千變萬化嘅情況，加上參加過嘅可以豁免測試，泳手嘅真正能力係點，根本無人知。仲有，今次發生意外嘅並唔係競賽組別，係咪可以考慮分開時段出發，唔使一窩蜂而上，等救生員巡邏可以方便啲呢？
5.39.217.764 c& y6 J4 Q% [6 @# Q# j
講到救生員，又係另一個問題。今次大會請咗一百二十名救生員，平均一個人要照顧超過二十人，會唔會睇漏眼o架？據講今次首先發現遇溺者嘅唔係救生員，中間耽誤咗幾多寶貴救人時間，真係冇人話得埋。統計數字顯示，遇溺三至五分鐘，足以令人體細胞壞死及腦缺氧，而每遲一分鐘施救，生存率更會減少一成，如果意外事故發現得早啲，悲劇話唔定可以避免。tvb now,tvbnow,bttvb* c  w' z; O$ R" I8 U+ ~9 a5 O
公仔箱論壇9 w5 z7 V. |  W
老土啲都係咁話嘅嘞，小心駛得萬年船，安全宜緊不宜鬆，特別係渡海泳愈來愈受歡迎，已經變成好似馬拉松咁嘅招牌活動，實在難能可貴，千祈咪讓盛事變憾事吖！

歡迎光臨公仔箱論壇 (http://5.39.217.76/)