公仔箱論壇 - Powered by Discuz! Board

標題: [港澳台] 庫房年年水浸基層愈扶愈貧 [打印本頁]

作者: serrurier 時間: 2016-10-16 06:13 AM 標題: 庫房年年水浸基層愈扶愈貧

庫房年年水浸 基層愈扶愈貧

近排電話騙案層出不窮，其實「寶藥黨」同樣猖獗，市民不可不防。呢，今屆政府收爐在即，有擦鞋友大唱讚歌，話房屋、安老、扶貧同環保四大施政目標都有實際成績，仲話特首有「鋼鐵的意志」喎，真係唔知嘅嚇死，知嘅就笑死！- Z# L$ u/ ]; Q1 y5 y

唔使講第樣，淨係講扶貧。港府尋日公布去年本港貧窮情況報告，話喺提供綜援等援助前，貧窮人口達一百三十多萬，貧窮率百分之十九點七；雖然喺政策介入後貧窮人口跌至約九十七萬，貧窮率同一四年差唔多，但實際人數增加近一萬。當初港府大鑼大鼓，吹噓訂立貧窮線係「破天荒」創舉，家陣貧窮人口不減反增，簡直笑大人個口。$ @, a. S& b3 @* u/ A4 f$ [9 Z9 c
5.39.217.760 Y- H$ k, m$ T  `# A2 P
正如有團體踢爆，港府訂立嘅貧窮線有取巧之嫌，人哋歐盟劃喺住戶入息中位數六成以下，而香港就係五成，最慘係篤咗數成績表都係滿江紅，整體窮人多咗唔在講，六十五歲或以上長者貧窮比率同樣錄得升幅。身兼扶貧委員會主席嘅林鄭月娥係咁講嘅，人口老化以及住戶人數下降會抵銷部分扶貧工作力度，貧窮率冇可能降至零喎。呢啲咪無嘢搵嘢賴囉，港府安老毫無承擔，死都唔肯實施全民退保，長者老無所養，想唔窮都幾難。話時話，林鄭呢番話聽落係咪有啲熟口熟面呢？當年唐唐又係講過「有生之年好難見到失業率回落到低水平」，唔通逢親想選特首嘅高官都係咁冇腰骨冇膊頭？tvb now,tvbnow,bttvb$ T; w- _  o$ t+ I

家陣最得人驚嘅係，除咗長者貧窮問題嚴重，後生仔日子一樣咁難捱。在職貧窮人口裏面，有近二萬五千人擁有專上教育以上學歷，較前年增加二千人，當中更有約一萬四千人擁有大學學位，較前年上升超過二千人。講真，出現呢個結果，一啲都唔令人驚奇，家陣嘅大學畢業生人工，計番通脹仲低過廿年前，所謂知識改變命運，一早冇呢支歌仔唱。今時今日年輕人上流無望，既睇唔到前景，亦睇唔到希望，唔怪得激進思想愈來愈有市場喇。tvb now,tvbnow,bttvb; K) {# Q; Z" F' J5 u9 u" p4 J

事實勝雄辯，港府扶貧講多過做，好似低收入在職家庭津貼，最初高官又係吹到天花龍鳳，話預算有七十萬人受惠，點知至今只批出二萬多宗個案，幫到九萬人咁大把。大家睇到嘅係，一方面庫房年年豬籠入水，港府肥到着唔到襪，另一方面窮人愈來愈多，生活愈來愈慘，港府扶貧到底有幾大誠意，不問可知。
公仔箱論壇, _. L% L2 G6 j  I3 I
都係古人講得啱，為政不在多言，顧力行何如耳。今屆政府口口聲聲「穩中求變」、「適度有為」，結果四年後市民生活好似王小二過年咁，一年不如一年，港府民望長期尋底，民怨一觸即發，家陣知點解喇。

歡迎光臨公仔箱論壇 (http://5.39.217.76/)