標題:
【子健講馬】四大目標人物 慣性「冇開好靜」！
[打印本頁]
作者:
02754566
時間:
2016-7-14 01:24 AM
標題:
【子健講馬】四大目標人物 慣性「冇開好靜」！
成日話人「離地」，都要問吓自己，係咪真係咁「貼地」，買馬、樓、股，甚至美其名投資外幣，都要貼地（時機）。
掌握唔到好時機，等如同錢鬥氣，好多朋友，都視賭馬為即日鮮，次次計數，與集團式一季計數，完全不同，我們本錢始終有限，非以做生意心態，無諗到咁長遠，每次得失都會影響，那個月下幾次的本錢。
身邊有不少老友，賽前唔做功課，跑馬時只睇兩個表，馬房表及騎師表，掌握最貼地資訊，然後跟住買。
好似唔正路，但好此道的，確大有人在，從他們口中，得知有部份騎師，有開有，冇開冇情況，可以用去到「嚴重」程度。
初時聽，自以為識馬，聽了便算，最近幾個月，跑完馬，不時都睇吓，想求證，睇睇吓先覺得唔係亂噏，這類忠實馬迷的智慧，比起自命以馬為先，更加實在，同時反映出近一、兩年，確實有此現象。
朋友告知，潘頓、杜利萊、柏寶及田泰安，屬其長期目標人物，也是他們口中，「有開好勁、冇開好靜」的好手。
在馬迷心中，恐怖程度去到如此地步，若不時刻緊記，提醒自己，可以靜到好離譜，若無大變，未來要買的騎師，多數仍是此幾位，惟有自求多福，兼且每次賽日，落注前都要步步為營。
因此才形成，莫雷拉一人獨大，一季可以贏超過百六場，幾年前，同樣跑83次馬，完全無想像過一位騎師，可以贏咁多場，若不是有騎師，常無故失準，有些馬，或許不會落到佢手上。
歡迎光臨 公仔箱論壇 (http://5.39.217.76/)
Powered by Discuz! 7.0.0
