公仔箱論壇 - Powered by Discuz! Board

標題: 睇通睇透】韋達真的咁差嗎？ [打印本頁]

作者: 02754566 時間: 2016-6-26 01:59 AM 標題: 睇通睇透】韋達真的咁差嗎？

韋達今季暫時只贏34場，不夠上季頭馬數目的一半。話雖如此，其實韋達季內跑入三甲136次，上名次數依然排第三，僅次於莫雷拉及潘頓。今期第二場「情意相投」及第三場「肥仔」初配韋達要留意。
第二場四班草地1200米：「情意相投」在外地贏過三場，包括一場膠沙地及兩場草地，乃泥草雙槍將。牠曾經在愛爾蘭卻拉馬場贏過一場29駒角逐的直路賽，能夠排眾而出，充分反映馬有鬥心，競賽能力唔差。近仗跑泥地短途有追勢，四歲自購馬已適應，減分亦夠多。今場轉跑草地肯定無問題，體形纖細的馬仔，排一檔貼欄跑發揮會更好，跑四班弱組有望出頭。
第三場四班草地1200米：「肥仔」今季插班的自購馬，密密跑熱身兼減分，底牌仲未揭開，近兩仗配蔣嘉琦及湯智傑跑三班賽，直路追勢都吸引，狀態已有爭勝水準。今次降班即加強配搭用韋達，擺明車馬搏殺，超班馬可放心捧。

歡迎光臨公仔箱論壇 (http://5.39.217.76/)