公仔箱論壇 - Powered by Discuz! Board

標題: 睇通睇透】呢隻馬最有冠軍相 [打印本頁]

作者: 02754566 時間: 2016-6-1 01:54 AM 標題: 睇通睇透】呢隻馬最有冠軍相

蘇狄雄上季出賽381次贏16場，今季受到兩位見習生崛起的影響，暫時只上陣254次而贏九W，勝出率與上季相同，表現保持水準。而且這位華將在谷草演出特別醒，季內在谷草得六W，今期四匹座騎中，第四場「越駿寶」最有冠軍相。
第四場四班1650米：「越駿寶」上場大幅增程450米兼初跑此程，起步後刻意收慢向內移入，沿途居後列貼欄競跑，跑法盡失先機，直路在內叠衝刺受阻，最後100才能望空，最終輸六馬位跑第五，但終點後餘勢極強，在彎位更追過頭馬「索咖啡」，表現相當出色，現時53分有大把水位反彈，在四班跑中距離遲早留唔住。今場排三檔形勢有利，穩位望贏馬膽材。
「罕曾見」大前仗跑同程只輸短頭跑第二，證明在四班跑同程夠贏，近兩仗雖然演出失準，但狀態卻越來越勇。上周二安排落草地彈閘拍跳，本周一最後試跑做相同動作，動態積極到不得了，強配莫雷拉盡地一煲。「常勝龍王」近五場用華將減分，降班即加強配搭用郭能，搏殺決心不言而喻。「勝利雄心」季初在三班贏同程，居此組贏級數，體重大幅下跌20磅屬佳兆，必需兼顧。

歡迎光臨公仔箱論壇 (http://5.39.217.76/)