公仔箱論壇 - Powered by Discuz! Board

標題: 賽後評： 11月 14日沙田十場草地日馬 [打印本頁]

作者: nt1972 時間: 2015-11-15 04:32 AM 標題: 賽後評： 11月 14日沙田十場草地日馬

第一場：「金銀花」換個潘頓可以贏甩，騎高幾班之故！相反「智能」楊明綸走位論盡，用番史卓豐跑同前駒有得鬥。「爪黃飛電」輸檔差，再出唔怕追。「佳景名駒」唯谷草弱組至值博冷。

第二場：「真心意」輕鬆贏甩，早熟快馬會繼續上。「魅力知心」輸出閘論盡，執番正隨時贏得。「好力煌」出到閘跑落都係咁多，呢個分唔惡。「至叻熊」貝諾華唔搶又唔留仲刻意走三叠，全程遊馬河！「星光大師」、「寶成駿星」太稚嫩，但四班有利。

第三場：「尚華盛甲」用雷神即輕勝，唔到你唔服！「大寶庫」放咁快都捱到 P ，証明仲有分在手。「勝利攻略」再出縮程五班一定有得贏。「好球」谷草長途可補中。「神朗」唯有一哩係最強項。「頌義」等泥地長途至諗。「多駿寶」大長途馬開始上力。

第四場：「再開心」換個跑法即刻唔同晒，篤定可贏上三班。「明目張膽」雷神攞位出奇論盡，計馬升浪仲未完。「急急腳」輸排外檔難跑。「再石磨藍」失準馬下場未必保持到。「凱旋星光」 1 4 檔冇信心，繼續遊馬河。「香江永勝」跟得唔錯，好快到位。

第五場：「星之勇士」起步快但潘頓竟讓條欄俾棄騎「閃耀鑽皇」，跑法車前倒後！後駒贏馬全靠潘頓咁禮讓！「大家熊」太熱唔啱大摩胃口？「吉利高」輸搶唔到欄。「精算博奕」初出想偷鷄証明自視高，再出放心追。「精益旅程」全程三叠形勢差到極。

第六場：「金龍」今季兩 W 越贏越易要調高評級。「電子鳳凰」唔明點解要轉彎發力。「勇冠王」太稚嫩，只要一成熟可連勝連升。「拼搏小子」犯盡所有錯都輸近，換人隨時贏得。「領驫」均速馬長線加程會更好。「雷神寶」、「滙歡騰」進度停滯不前。

第七場：「添好運」劣勢下贏得易，三班冇阻力。「鑽飾飛龍」來港前已跑好多，馬房會用得就用。「勝利寶石」早段如搶到欄賽果會完全唔同。「電子群英」、「忠心義氣」確認進步唔多。

第八場：「飛來猛」只賺盡形勢至捱到爆冷。「和順超影」包尾因潘頓亂跑，全程將「有得威」頂出走外叠，跑法既損人又不利己，完全唔明係乜策騎指示？「首飾太陽」未熱身有 Q 人馬已盡全力。

第九場：「英明勇將」一出即勝，柏寶全程好淡定，証明大把在手。「勇士勁」唔搶放根本冇機會。「健康歡笑」漸入佳境，馬房會盡快交代。「飛廉之子」連續兩場終點前力弱，似係贏馬後未復原。

第十場：「皇牌」出閘快但潘頓刻意拖落尾，直路再兜大圈追，根本跑讓賽！「奇真」霍利時熱門向來勝出率低！「尊兄」升班再贏難怪韋達肯捱餓做磅。「錦繡河山」落四班揸定錢買。

歡迎光臨公仔箱論壇 (http://5.39.217.76/)