公仔箱論壇 - Powered by Discuz! Board

標題: [港澳台] 發展啟德枉吹水最怕淪為四不像 [打印本頁]

作者: serrurier 時間: 2015-10-18 09:33 AM 標題: 發展啟德枉吹水最怕淪為四不像

發展啟德枉吹水 最怕淪為四不像! d5 k  \4 V) d* H1 ]
公仔箱論壇8 f2 k. k3 {; w1 s# S  u6 O! G4 Q
有人話，百無一用是官僚。其實，港產官僚唔係完全無用，佢哋最叻就係吹水，好多發展計劃都吹到天花龍鳳，可惜最後都走晒樣。

嗱，啟德隨時又淪為爛尾項目嘞。發展局正就佔地六公頃嘅「飛躍啟德」計劃邀請發展商提交意向書，根據當局構思，舊啟德機場跑道末端及觀塘海濱一帶將會打造為旅遊中樞，聽落好似好吸引咁。可惜吖，城規會日前開會討論有關構思，發現問題多多，有委員擔心項目採用單一業權發展，最終會淪為地產項目，變成西九文化區翻版，隨時拖上十年八載都未能動工；亦有委員質疑當局對發展區定位不清，未能界定究竟係旅遊景點定係市民休閒地點，最終淪為「四不像」。

呢啲擔心唔係無道理。係人都知，港產官僚向來眼高手低，講就天下無敵，做就無能為力，就算藍圖描畫得幾咁美好，最後可能都係得個睇字嘅咋。西九就係典型例子喇，當年港府吹到天花亂墜，話要打造世界級文化中心喎，結果搞到唔湯唔水，唔止嚴重超支，仲隨時爛尾添。依家輪到啟德，點知會唔會重蹈覆轍！tvb now,tvbnow,bttvb/ \; a' _7 g& y  @" E. M
tvb now,tvbnow,bttvb  |0 K. \4 f4 W9 N6 t3 f8 q' h
講起單一招標，早有前科，唔到你唔擔心。當年港府推出總值數百億元嘅西九項目，前特首曾蔭權爵士一意孤行以單一招標方式批畀財團發展，被批評「隻手遮天」，官商勾結，明益大地產商，計劃被迫推倒重來，結果一誤再誤，種下尾大不掉嘅禍根。啟德計劃採用單一業權發展，萬一再次引發爭議，工程拖延，落成時都淪為明日黃花喇。
6 [3 a2 f! o4 J
講起真係令人唏噓，回歸前港英政府推出「玫瑰園計劃」，又起機場，又建大橋，又起鐵路，短短八年就如期完成，成為香港高效率嘅見證。點知回歸後樣樣都拖拖拉拉，淨係啟德發展計劃就講咗十幾年，諮詢復諮詢，研究再研究，到依家淨係起咗一個郵輪碼頭咁大把，乜嘢配套設施都冇，令唔少遊客大失所望。
tvb now,tvbnow,bttvb, c/ r: U- a) w0 S: S' z
話時話，港產官僚坐而論道，蹉跎歲月，何止啟德發展計劃慢如蝸牛吖。近年個人遊大行其道，本港接待能力瀕臨爆煲，社會不斷要求港府開發新景點增加配套，點知當局闊佬懶理，結果中港矛盾愈演愈烈不特止，仲搞到旅遊業無以為繼。港府家陣又話發展啟德旅遊中樞，又話發展大嶼山，聽住先喇，究竟可唔可以成事，睇怕連當局都唔知。

一句講晒，啟德發展問題多，最怕好事又蹉跎。港產官僚一味大隻講，不如發展吹水中樞，肯定有聲有色！

歡迎光臨公仔箱論壇 (http://5.39.217.76/)