標題:
[資訊]
最佳男配角Toyota Spade&’05 Porte
[打印本頁]
作者:
nt1972
時間:
2015-9-1 03:08 PM
標題:
最佳男配角Toyota Spade&’05 Porte
近月新車市場極之熱鬧，就算一向唔憂賣嘅Toyota代理都一口氣引入2款新車，實在係近年罕有進取表現。2款新車分別係7月先喺日本登場嘅第2代Sienta及3年前推出嘅Spade。論新鮮感，Sienta無可否認做硬主角，Spade早有少量水貨到港，今次注定做配角！
然而世事無絕對，代理為Spade定下超靚車價，$178,710就已經有埋電趟門！據知車展期間吸晴度比Sienta有過之而無不及！就連水貨初代Porte車主Sam睇完車之後，都話老婆同個女都好冧Spade，有換車衝動！
兩車最大分別在於右邊車身。Spade比Porte多咗一度後座門，更方便！
好多人都識Sienta，但冇乜人識Spade，要知Spade係乜來頭，就要由Porte講起。話說初代Porte喺2004年推出，即大受日本及香港用家歡迎，左邊用趟門就係最大特徵。不過Porte外表始終女性化，車廠於是喺2012年推出第2代Porte時，同時推出Porte孖生兄弟車Spade，全面改用較男性化外表，希望拓闊市場，情況就好似Alphard同Vellfire咁。
「多隻後座門方便好多」
由初代Porte進化到Spade，由於銷售對象唔同，所以外表有頗大轉變，對比同場Sam部Porte，Spade車頭用咗起晒角嘅頭燈組合，連尾燈都明顯由車尾凸出，好man啊！Sam：「其實早前都有睇過車展，新車外表真係型咗好多，同Porte好唔同，唔單只吸引到男人，我老婆都話佢幾好款。」
Spade車長3,995mm，只比Sam部Porte長5mm，闊度1,695mm，亦都係多5mm，基本上可視為完全一樣size，咁最大改變係咩？初代Porte以左右鴛鴦門聞名，Spade更堅！保留左邊車身嘅電動趟門外，右邊車身更多咗後座門，從此後座乘客上落車都唔使煩到前座乘客。「多隻後座門方便好多！唔係吓吓泊車都可以泊到車身左邊近行人路嘛，要小朋友喺馬路一邊落車始終較危險，多隻門就解決晒問題。」
Spade頭燈形狀花過心思，比歷代Porte更靚。
尾燈頂端微微凸出車身，同頭燈有呼應。
兩部車嘅電動趟門開口闊度同為1,020mm，大隻佬上落車都一樣方便。
Toyota Porte兩生花
同Spade同一底盤、車廂佈局，甚至整個機械規格都一樣嘅第2代Porte，只係外表上同Spade唔同，用咗比較圓渾嘅車頭及車尾設計，喺日本市場採用唔同銷售網絡及銷售對象，以年青女車主為目標。香港市場細而且以男性主導，代理只引入Spade而冇入Porte都無可厚非。
「多咗細眉細眼儲物位」
或者好多人以為Spade用單邊趟門只係gimmick，當然係gimmick啦！不過呢個gimmick都有實用一面，開門後進入高度達1,250mm，闊度更有1,020mm，上落乘客及貨物都更輕鬆。要玩得起呢個gimmick都要車內空間同座位配合，先至玩得合情合理！後座由Porte嘅一張座墊改為6:4分割，可以分別翻起騰出地台位放置高身物件，而靠背位則維持有2段角度調節。前乘客座同Porte一樣，可以將靠背向前摺成小餐枱，而且可大幅度前後滑動，想前座去到貼住中控台或緊靠後座都得。
司機位有高度調校及手枕。
後座空間高度有1,380mm，前、後座距離達1,050mm，而且椅背有2段角度調校。
Sam表示Spade嘅行車表現同Porte十分相似，但波箱較斯文。
「其實坐落發覺同我部車空間幾乎一樣，不過就多咗細眉細眼儲物位，好似改咗用中控台波棍後，軚盤後面可以整多一個幾大嘅儲物位，實用！而且我覺得Spade用料靚咗，原廠長毛地毯、中控台塑料都更高級。」
Porte車廂都有大量儲物空間，但中控台較大份，佔用較多空間。
首飾櫃頂特設小櫃，放太陽眼鏡一流。
首飾櫃下方有窿，可以拉出紙巾。
趟門有水樽位，而前方仲可以放抹車布。
軚盤後有儲物兜，而且表面仲可以攝卡片及銀紙等物件。
連停車熄匙系統按掣下方都有位放手提電話。
原廠地毯較長毛，而且有「Spade」字樣金屬章。
CVT波箱冇+/-模式，不過有「S」及「B」波，增加制動效果。
「CVT波箱加速順但唔夠勁」
雖然Spade車身同車廂size都似足Sam部Porte，但引擎同波箱就有明顯唔同。以往Porte採用編號1NZ-FE、1.5公升引擎，馬力108匹，即係以前Corolla副引擎。Corolla早前都已經轉用編號2NR-FKE、1.5公引擎，Spade都同步更新，現時馬力有109匹，最緊要係耗油低至22.2km/L，即係大概$0.7/km！慳家！「我
歡迎光臨 公仔箱論壇 (http://5.39.217.76/)
Powered by Discuz! 7.0.0
