公仔箱論壇 - Powered by Discuz! Board

標題: [時事討論] 左丁山 - 捨棄傅統 [打印本頁]

作者: kidhitomi 時間: 2015-8-28 08:38 AM 標題: 左丁山 - 捨棄傅統

捨棄傳統
5.39.217.76; X) [: f6 m2 I

8月15日去咗日本九州旅行一星期，未返到嚟就已經透過手機知道中台港股市大跌，在福岡機場港龍候機室，有台灣之「中國時報」、「自由時報」、「經濟日報」，就睇到台灣股民因跌市鼓躁，要求財政部長下台。台灣股民經歷三十年股市起伏，仍然未成熟，股市每次大跌，就高叫部長下台，要求政府救市，得啖笑，睇嚟台灣股民係長不大的孩子，同香港股民嘅成熟程度相差太遠，無怪直至今天，台北仍是國際金融之backwater，了無生氣，而香港可與紐約倫敦齊名。5.39.217.76: q i2 K5 i! f1 a2 `1 @7 n
順便一提，上述三張報紙嘅編排原來已徹底捨棄民國傳統，全部橫排，標題求哄動，水平不敢恭維，於此亦可見陳水扁掌權之後，台灣報業水平下降晒，走向粗糙，想起左丁山讀大學時，常讀「聯合報」、「中國時報」，拜服其文字水平之高，今日嘅「中國時報」，怎可與余紀忠先生時代相比，可嘆也。
在福岡Grand Hyatt酒店早餐時分，睇到日本大報仍堅持文字直排，由右至左，傳統保持不變，頗有禮失求諸野之感。人地日本人唔識電腦化咩？唔知道橫排方便得多咩？根本漢字電腦化排版就係日本人搞出嚟嘅，二十五年前遠勝北大方正中文排版系統。日本人並非抱殘守缺，只係人家尊敬尊重文化傳統，不為一時方便而犧牲傳統文化而已。公仔箱論壇6 h2 h7 \: W- I
喺鹿兒島市，見到有古老單層電車行使，與現代城市格格不入，覺得有啲奇怪，問同行之肥仔K知唔知道點解，肥仔K用手機上網睇一睇啲資料，就話鹿兒島市保留一條咁多電車綫，就係為咗保育文物，活化「古蹟」，費事新一代要到博物館先至睇到電車。返到香港，估唔到在蘋果日報與now電視台，見到一位退休規劃師薛國強大力主張廢除港島中環至金鐘嘅電車綫，直情覺得此人走火入魔，不知城市生活為何物。左丁山在中環工作多年，搭電車由環球大廈去太古廣場不知無數次，遠勝搭的士（中午時分永遠冇），便宜過搭巴士好多，簡直係最理想之短程交通工具（冬天時左丁山就行路去金鐘）。薛先生話電車阻塞交通，係用肺講說話，中環道路塞車主因係巴士太多（而乘客偏少）、私家車、的士太多，互相爭路所致，與電車無甚關係。薛先生話可以搭地鐵喎，鬼唔知咩，但地鐵與電車並非互相窮盡，互相排斥嘅，做規劃師應該有此常識啩？tvb now,tvbnow,bttvb+ j9 e$ J7 R( a" e
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。/ W8 k* p, l/ {# B1 i" j$ f3 w2 \
左丁山) l l6 R4 O8 R) g: c: {
電郵 :mcwriter@appledaily.com

歡迎光臨公仔箱論壇 (http://5.39.217.76/)