公仔箱論壇 - Powered by Discuz! Board

標題: [時事討論] 左丁山 - 歷史各自不同 [打印本頁]

作者: kidhitomi 時間: 2015-8-27 08:22 AM 標題: 左丁山 - 歷史各自不同

歷史各自不同TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 C1 Q$ s; k; ^9 L. A$ _6 R4 x9 b

公仔箱論壇& p/ C0 R9 U G7 x- u) f
內地在9月3日慶祝抗戰勝利70周年，放假一天，香港跟隨，於是香港人無端端多咗一日假期，出年就冇嘞。左丁山記得以前港英時代，好似係喺8月30日放假嘅，叫做「重光紀念日」，依家點解在9月3日放假？細佬哥時聽先父講古仔，日本在1945年8月15日宣布無條件投降，1945年9月2日正式在東京灣停泊嘅美國戰艦密蘇里號簽署降書（The Japanese Instrument of Surrender），麥克阿瑟將軍就此成為日本「太上皇」，掌管一切日本軍政大事，中華民國就派出何應欽上將出席受降儀式，在降書簽名。先父話，當時美國提供「拍架」墨水筆作簽字用，故此戰後「拍架」筆風行一時，成為名牌，70年後，新生代可能連咩嘢叫做Parker都唔知，市面極少見到，事實上，墨水筆喎？依家邊個日日用呀？TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。' s0 e, _& K- U& z% @, }
然則點解北京唔以正式受降日，9月2日為抗戰勝利紀念日而要選定9月3日呢？左丁山唔明白，不過算啦，中華人民共和國嘅官方講法係：共產黨是抗日戰爭的中流砥柱。抗日名將白崇禧、李宗仁、薛岳、蔡廷鍇等等，係乜人呀？唔通係抗戰茄喱啡？
寫歷史，有唔同角度，南韓人北韓人寫韓國史，分歧甚多，日本人寫中日對抗史，寫法又與中國人不一樣，中國共產黨寫抗戰，與中國國民黨寫抗戰，重點唔會相同，喺台灣，民進黨陳水扁上台後，修改台灣嘅中國歷史課本，偏向台獨，去中化，國民黨重新執政，又試重寫，去台化，弄出一場中學生大示威（因為學生已慣咗去中化，傾向台獨）；中國人睇慣民間故事薛仁貴征東，遠征高麗，但韓國人寫呢段歷史，相信必定側重韓國英雄力退唐軍！肥仔K話中國史比較少講元兵征日全軍覆沒之事，日本歷史書就講到繪影繪聲。講到尾淨係要讀通中日韓三國交往史，戰爭史，由唐朝計起，非要精通中日韓三國文字，讀三國史書，交叉比較不可。
呢日在陸羽飲茶遇到歷史教授博士L，問佢有乜新搞作，佢話得到一筆研究資金贊助，正與本地香港史學者聯手編寫可作教本用途嘅「香港史」，過往香港史著作，多用英文，由港大外籍教授編寫，博士L佢地就用中文，從1842年後開始，參照中英文歷史檔案及官方紀錄，分階段寫香港史，供學校使用，或作大學參考書。咁又好噃，香港學生即使願意讀歷史，都係讀中史或西史，對香港歷史一向矇查查，現有學者肯專著寫香港史，值得支持。

左丁山
電郵 :mcwriter@appledaily.com

歡迎光臨公仔箱論壇 (http://5.39.217.76/)