公仔箱論壇 - Powered by Discuz! Board

標題: [時事討論] 左丁山 - 富豪愛足球 [打印本頁]

作者: kidhitomi 時間: 2015-8-18 07:58 AM 標題: 左丁山 - 富豪愛足球

富豪愛足球

+ J C+ K0 p$ M/ w# n
中國最高領導人習近平是眾所周知的足球迷，據傳佢曾經講過：「中國世界盃出線，舉辦世界盃比賽及獲得世界盃冠軍是我的三個願望。」tvb now,tvbnow,bttvb4 |7 h7 c2 t1 H
按目前中國政治規矩，習大大做滿十年就會好似胡錦濤咁退下來，佢在2012年接班，照計到咗2022就要退位，接班人會係一位現年五十歲（到時六十歲）嘅明日之星，故此習大大應該唔會主持得到一個在中國開幕嘅世界盃。有數得計，2014年在巴西，2018年世界盃由俄羅斯主辦，2022年在卡塔爾，2026年主辦國未知，照計就會返回美洲開波，到咗2030年，如果中國申辦，呼聲會好高，一來國際足協吼實中國市場好耐，二來非洲國家唔夠競爭力，三來歐洲各大球會猛咁開發中國市場，歐洲國家未必阻頭阻勢與中國搶辦2030世界盃嘅。* O8 }; i, t# A+ E3 s
自從習近平上台，趁反貪腐之便，大力整治貪污之極嘅中國足協之後，我地見到中國啲大富豪好似收到聖旨咁，大力投資足球，廣州恒大地產有恒大足球隊，老闆許家印搵埋馬雲入股，不惜以天價聘請世界級教練，今屆搵前巴西領隊史高拉利入主，史高拉利就叫埋巴西國師，大球星羅賓奴加盟。有首富之稱嘅王健林就「走出去」，先用一億二千萬美元買入瑞士一間體育推廣公司Infront（中文叫做盈方體育傳媒集團），呢間公司嘅CEO就係國際足協會長白禮達嘅姪兒，現在白禮達受國際足協貪污傳聞壓力，將黯然退下（哎吔，又係世界警察美國所做嘅好事），呢間「盈方」唔知會唔會以後冇咁大牙力呢？無論如何，王健林嘅萬達集團以4478萬歐元買咗西班牙馬德里體育會20%股權，盈方又在8月初與德甲球會緬因斯達成協議，分十年注資2.6億歐元，萬達又洽談以8.5億美元買入美國之World Triathlon Corp（三項鐵人公司），睇嚟王健林在中國地產發大達之餘，頗能體會領袖苦心。
習大大既然講到咁鍾意足球，有錢有力嘅大富豪如王健林，許家印與馬雲就識do啦，單憑中國足協班官僚，點夠牙力說服國際足協俾中國主辦世界盃呀？以今天中國足球嘅水平，16年後不知是否可以踢贏日本、南韓、澳洲與沙地阿拉伯、伊朗等，遑論德英荷西法及巴西阿根廷。新一代足球大亨既然咁多錢投資足球，還要多啲投資培訓中國少年球員至得。

左丁山
電郵 :mcwriter@appledaily.com

歡迎光臨公仔箱論壇 (http://5.39.217.76/)