公仔箱論壇 - Powered by Discuz! Board

標題: [港澳台] 架構膨脹嘥公帑廢嶽洗腳唔抹腳 [打印本頁]

作者: serrurier 時間: 2015-7-16 04:40 AM 標題: 架構膨脹嘥公帑廢嶽洗腳唔抹腳

架構膨脹嘥公帑 廢嶽洗腳唔抹腳

提起平機會，好多人都會諗起「政治花瓶」。冇錯嘞，呢個政治花瓶得個擺字，成立十九年來冇做過幾多件正經事，但醜聞就長爆長有，鑊鑊新鮮鑊鑊甘。5 H+ |! F! I( S) q

話說自從「廢嶽」周一嶽擔任主席之後，平機會洗腳唔抹腳，組織架構膨脹不特止，連辦事處都豪華過人，搞到一闊三大，租金不斷上升，竟然向政府伸手要求增加資助。

呢，平機會向立法會提交嘅文件顯示，現有辦事處租金由每呎二十幾元增至逾四十四元，要求政府每年增加五百二十萬元額外資助；另外，平機會為應付新增人手及工作，需額外租用一千八百幾呎新辦事處，呎租達到四十九元，每年又需一百二十六萬元額外資助。即係話，淨係辦事處租金上升，政府每年就要向平機會增加合共六百四十六萬元資助。最好笑嘅係，平機會仲打蛇隨棍上，重提要求購置永久辦事處，並要求立法會議員支持喎，你話係咪大想頭吖？
公仔箱論壇/ p+ b* Z9 C: p2 B/ e G/ D2 n
正如關注團體質疑，公營機構根本唔需要喺市區旺地開設辦事處，尤其好似平機會咁嘅清閒衙門，使咁多錢租用位於太古城嘅辦事處，完全唔合理。再講喇，平機會本身仍擁有逾二千萬元儲備，二○一四至一五年度更錄得二百二十二萬元盈餘，咁都仲要向政府伸手，豈有此理！
tvb now,tvbnow,bttvb; R# Z$ l% p4 u
更離譜嘅係，周一鑊喺未充分諮詢之下，除咗自行建議加設一個月薪十六萬元嘅營運總裁職位，並將多個總監職位「升格」加薪，導致平機會經常性開支大增。面對各界嘅質疑，平機會聲稱會密切監察新架構嘅效益，兩年後再聘用外間專家和顧問進行檢討喎。換句話講，到時又要使多一筆顧問費，問你服未。

事實證明，平機會唔止係政治花瓶，而且係獨立王國，周一鑊自把自為，直情好似無王管咁，搞到烏煙瘴氣。佢上任平機會主席冇幾耐，就提議修例引入「事實婚姻」概念，引起極大爭議；而平機會解僱曾鼓勵教友反對性傾向歧視立法嘅束健銘，更被指涉及信仰歧視和打壓異己，事件鬧上法庭，依家仲未平息。
5.39.217.76& L5 g( w5 ]3 h; K' N2 p
都係古人講得啱，天下本無事，庸人自擾之。周一鑊做問責局長時渾渾噩噩，孭鑊多過食飯，而翻閹做平機會主席後一樣無事生非，添煩添亂。冇法子喇，當局千揀萬揀，偏偏揀咗呢個爛燈盞，點可能唔出事吖。今時今日港府動輒得咎，民望低落，本來已經自顧不暇，仲要負擔周一鑊呢個政治負資產，想唔死都幾難。嗱，呢啲咪叫自取其辱，唔衰攞嚟衰囉！

歡迎光臨公仔箱論壇 (http://5.39.217.76/)