公仔箱論壇 - Powered by Discuz! Board

標題: [時事討論] 隔牆有耳：搵忌廉哥救民望？　高永文自爆係貓奴 [打印本頁]

作者: chingccs2 時間: 2015-6-1 10:13 AM 標題: 隔牆有耳：搵忌廉哥救民望？　高永文自爆係貓奴

食物及衞生局局長高永文自從落區宣傳政改，一時控制唔到情緒變「講完哥」，佢嘅高民望梗係唔多唔少受影響，高局長若然要挽救民望，梗唔會搵CY、林鄭幫手，咁邊個可以幫到佢？今次唔係搵人，而係搵貓、一隻長期人氣高企嘅貓，忌廉哥出手喇！
話說精神健康基金會為咗打破港人對精神問題嘅禁忌，搵咗香港人好喜愛嘅忌廉哥同一班名人、精神科專科醫生、精神科疾病康復者、患者子女合照，想分享佢哋嘅故事同減壓心得，並且為基金會籌款，頭炮就搵高永文同忌廉哥合照。
                        $ _, I( h+ |0 L% T. D


                                                                                                                                                                                                                           收留過30隻流浪貓                                                                                 主辦單位特登帶忌廉哥去局長office同高局長影相，八方見到有一張相入面，局長好似好深情望住忌廉哥，又餵忌廉哥食零食，原來高局長都係愛貓之人，佢話由10幾歲起，佢同家人就開始收留流浪貓，幫佢哋清潔，照顧到健康良好就幫佢哋尋家，咁多年已經收留過約30隻流浪貓。5.39.217.769 U1 A7 j/ _' S8 ?4 o
高局長又分享佢遇上情緒低落經驗，話佢當面對壓力時侯，最好方法係搵身邊人傾訴、多做運動，同小動物相處都係唔錯方法，有助重拾正能量，提升情緒。而基金會稍後會將高局長與「忌廉哥」合照，上載去忌廉哥同精神健康基金會嘅facebook專頁，網民去呢兩個專頁，每like一次張相，就會有善長仁翁捐$5畀基金會，分享張相嘅話更會捐夠$10。講完！

歡迎光臨公仔箱論壇 (http://5.39.217.76/)