公仔箱論壇 - Powered by Discuz! Board

標題: 家品大王儲足火力 [打印本頁]

作者: nt1972 時間: 2015-4-29 05:16 AM 標題: 家品大王儲足火力

今晚跑馬地八場賽事由三、四及五班馬擔綱，部份場合水準甚低，度馬時都幾頭痛。

【第三場】四班 1 0 0 0 米
揀得上手馬不多，結合埋檔位，縮窄至「澤心星」、「家品大王」、「金紫荊」及「紅衣前進」四駒。

博 WP 吼「家品大王」，長期受喘鳴及其他問題影響，唔可以搏得密，又容易瘦，隨住轉馬房，獲得一段較長時間休息，屬變身的最重要契機。賀賢接手後，順理成章要時間摸索，正好讓「家品大王」回氣，做了個幾月慢工夫，三月中才恢復快試，按部就班操至四月中試大閘，頂得住之餘，晨操眼睇，成隻馬壯咗唔少，睇埋公布，體重升 3 2 磅，確認無睇錯，儲足火力揀跑這場，用韋達抽二檔，唔搏等幾時？

「澤心星」同樣有充足休息，放草後工夫做得幾辣，埋門跳到足，前日排位朝，更不尋常地安排草地彈閘，充分反映方仔對其體力好夠信心，初出贏田草 1 0 0 0 米，揀谷草 1 0 0 0 米復出亦啱數，排六檔內側快馬不多，好有機會切入領放，計形勢亦安心。

「紅衣前進」有 1 0 0 0 、 1 2 0 0 米任揀，蔡約翰出王牌報今場，應有其見地，進步雖不明顯，但抽到一檔是最大助力。「金紫荊」已老且見盡，隔四周復出尚可，上次與今次一樣抽四檔，但這次內側一至三檔馬唔算快，應該唔會好似上次咁，四檔要走三叠咁不利，買 Q 可拖埋。

「及時取勝」一再強調上名賽績水準不高。「至善美」肯操而進展平常。「神童」 1 0 0 0 米嫌促。「回鄉更好」過了最銳時段。「金在手」情緒欠佳，操落全無進步。「人生路」非短途馬。「巴其利」谷草盲門。「熱刺小馬」縮程唔夠快，外檔難跑。

策略：買 2 WP ， Q 1 ， 2 ， 5 ， 7 互串。

【第八場】三班 1 6 5 0 米
數匹實力馬控制大局，「連利之星」、「駿將」、「其樂無窮」及「金滙龍華」是買 Q 範圍。

一直鍾意開的「金滙龍華」，睇住佢進步，今次上班輕磅排一檔，仍惡到暈。

「其樂無窮」也是另一跟開的馬，上次落四班即郁手再搏，輸在孭頂磅，今次重返三班，賽績雖不標青，卻一直只覺視乎決心，可以贏到同場「連利之星」無得跑，如今再遇，受讓 1 8 磅，「連利之星」是機會馬，牠豈會不是！「連利之星」唞個半月，今月中做埋大閘，操法完全唔似收夠籌，又準又銳，仍會揀。

韋達操過「威利飛越」及「駿將」，最後揀騎前駒，我睇唔到轉馬房有甚麼大不同，近期操得辣，體重跌至新低，亦覺唔理想，孭住頂磅，排 1 0 檔靠追，倒不如吼「駿將」，告達理肯安排試埋谷草大閘，始決出王牌報今場，反映絕對唔係玩玩吓，睇早前谷閘，沿途順到不得了，轉彎、直路都無出錯腳，無疑試閘歸試閘，卻絕不能排除能應付的可能性。

「勇創潮流」再加磅優勢不大，只居邊線。「醉必勝」唔銳。「皇牌」欠進。「首飾多寶」嫌跑得密。「寶貝王」欠長力。「慷慨寶」增程跑三班強組，不易突圍。「福到加加」遠離水準。

策略： Q 2 ， 1 0 ， 1 1 ， 1 2 互串。

其樂無窮　十倍值博
原先揀第三場「家品大王」，但睇見隔夜賠率，第八場「其樂無窮」竟然有十幾倍，季內曾贏過其後直落三 W 的「連利之星」，另一熱門「金滙龍華」則初跑三班，「其樂無窮」曾在三班同程上名，大家一齊孭輕磅，跑法無疑不及「金滙龍華」咁主動，但分頭實在夠吸引，照博。

八場　 1 1 　其樂無窮
累積： 8 W 1 5 P 3 8 負（蝕 $ 1 7 0 . 5 ）

歡迎光臨公仔箱論壇 (http://5.39.217.76/)