公仔箱論壇 - Powered by Discuz! Board

標題: 創意寶五班攞着數 [打印本頁]

作者: nt1972 時間: 2015-3-4 04:31 AM 標題: 創意寶五班攞着數

【第一場】五班 1 0 0 0 米
「創意寶」今季跑七場，無一次排六檔以內，輸到上次落五班跑同程，抽六檔，起步騎幾步就拖，越拖越後都走三叠，出彎順勢掟到有咁外得咁外，騎到咁，「創意寶」末段仲有勢追近，以其非後追跑法馬都肯追，反映狀態肯定唔差之外，落到五班根本着數到痺，這次終無咁黑仔，抽番次一檔，條件唔同晒，無理由浪費機會啩！

「麟轉乾坤」上次沿途走介乎二、三叠，跟超快步速跟散，情有可原，今場賽前罕有地見拍跳數課，兼有草地課期，抽二檔形勢亦夾，買 Q 會繼續預佢。「年年好運」上仗氣管多血，只隔一日便復課，證明問題不大，這次轉谷草縮程 1 0 0 0 米，得唔得有啲靠估，純因鍾意其狀態才揀。

「大家關心」由上次三檔外移至八檔，要博楔得好，還要博唔搶口，信心不夠強，頂多作 Q 腳一選。「威百利」上仗賽前考晒眼罩及頭罩，等到今次先用兼換潘頓，跑番谷草 1 0 0 0 米，有變數。「時尚風華」一月放草停課，表面超輕磅有條件，也有戒心。「大喜駿」上仗同程跑啱都無。

「富國強駒」上仗賽後唞廿日才復課，上月中、尾又曾兩度短暫停課。「添歡笑」谷草盲門。「永得米」狀態稍回落。「摯愛財星」加配備有心求變，可惜排 1 1 檔，應該蝕唔起。「上海先鋒」稍嫌跑得密。

策略： 7 博ＷＰ，Ｑ 5 ， 7 ， 8 ， 1 0 互串。

【第三場】五班 1 6 5 0 米
有足夠前領馬，步速應不會太慢，昨已表明鍾意「神電金剛」（見另文）。

「奄尖大少」近兩回同程俱排外檔，條件不足，一再追得好，何良部署讓其回氣一個月，期間操練維持積極，老馬狀態夠硬淨，抽到一檔，可說是黃金機會。「奇妙恩典」前仗跟馬跑來縮耳畏群，上仗加防沙眼罩及頭罩，賽前試大閘由頭騎到尾，知道唔可以跟馬，一試成功，復課狀態保持得好，今次同場有「至尊駿爵」、「宇宙駿駒」及「威加威」，可否再單騎領放，增添不明朗因素，鍾意開都覺作配較安全。

「南華勇將」季內有吼過，一直都認為無咁水，直至上場終於見近，今次用李寶利省得起，可博再進。「晨采」用莫雷拉必熱，抽 1 0 檔都唔知可以點跑，買 Q 都唔會預佢。

「青春得意」上次突如其來，但來港後只有在前季試過一次打叠上名。「大地王者」跑得密。「金桂飄香」近仗太差，二檔也不太樂觀。「至尊駿爵」上仗慢步速都唔到，今次數匹相同跑法馬，形勢唔夾。

「勝利精彩」初跑谷草排外檔。「宇宙駿駒」維持短優於長睇法。「威加威」無次近。

策略： 1 博ＷＰ，Ｑ 1 ， 6 ， 8 ， 1 1 互串。

神電金剛呢鋪嚟真
「神電金剛」上次跑四班同程，排 1 1 檔，全程走外叠兼掟大彎，遇埋慢步速又難追，都可以拍住再出差點贏「勇駒」同到，單計兩駒沿途走位，「勇駒」還慳過佢，今次仲要落五班，換柏寶排六檔，除非又走三叠或重磅唔掂，但博賠率唔理得咁多，說唔甩自己唔買。

三場　 1 　神電金剛

歡迎光臨公仔箱論壇 (http://5.39.217.76/)