公仔箱論壇 - Powered by Discuz! Board

標題: 賽後評：三月一日沙田十場泥草日馬 [打印本頁]

作者: nt1972 時間: 2015-3-2 04:29 AM 標題: 賽後評：三月一日沙田十場泥草日馬

第一場：雷神見步速慢將「金威勝」跟前些少，識執生抵佢贏。「尚華盛甲」返谷草小心回馬槍。「公証揚聖」直路捐內欄搵位有違馬性，今場唔作得準。「好球」慢步速難追。「樂在其中」谷草明顯跑高啲。「糖黐豆」落飛輸近好快求補中。

第二場：「京城珍寶」越贏越容易，勢銳三班孭輕磅都咪睇少。「愛頑皮」人馬都已發揮一絕。「大把籌碼」要好檔兼遇弱組至有機。「現代財星」內欄窄位追入 P ，唔怕食沙再出有糊叫。「洪福齊來」一再輸近，傷患老馬落五班隨時爆。「控惑」等落班。

第三場：「一哥」四班惡贏得合理。「大家熊」冇咗上場嗰股爆發力，熱得滯有壓力？「得全勝」呢個分夠贏，但冷好過熱。「紫電明珠」四班確認唔惡。「勇冠王」初出第四走勢唔錯，以馬房作風好快到位。「好頭好美」未夠決心。「金銀花」落班贏得。

第四場：「又襟又準」加眼罩明顯進步，升三班會企得住。「保羅威威」唔塞車應係佢贏，柏寶同葉楚航八字真唔夾！「電訊波士」應唔係千二馬，增程有好無壞。「馬明德」質素唔簡單，長追保証冇蝕底。「翡翠寶寶」呢個分要泥地或谷草至有得爭。

第五場：「旗幟鮮明」一隻阻幾隻，自己卻 P 都冇，係咪一定要搶頭至好？「積多福」僅僅捱到贏，前駒功勞最大。「勁勢」如非起步椿一椿，應該可以追到「積多福」。「三和福將」嚴重受阻後追番第三，韋達算有交代。「輕彈錢笑」能力似乎係咁多！

第六場：「包勝」換雷神晨操姿態贏，真唔明杜滿萊上場點會輸？「華美之寶」三班要遇弱組至有機會贏。「齊歡笑」再出如肯用見習生減磅夠贏。「行善積福」入 Q 全靠鄭雨滇夠死纏爛打。「獨具慧眼」外叠追勢唔錯，好快會到位。「再出奇」差到唔似真！

第七場：「威爾頓」今季大熟當打，遠征杜拜有機會。「喜蓮巨星」人馬均已盡力，但質素同前駒有別。「軍事出擊」沿途好位但直路貫注力唔夠，應同體力未復原有關。「將男」直路唔係塞車有權入 Q 。「桃花心」閘內脾氣越嚟越差。「加州萬里」老退。

第八場：「文藝復興」未十足都夠贏，質素唔簡單。「天笑」入 Q 演出恰如其分。「心好事成」能力一般，連場跑近只係近況夠弗。「索咖啡」漸入佳境。「軍火」均速馬加程會有幫助。「紅駿」追得唔錯，今季會有第三 W 。「真慷慨」落四班揸定錢捧場。

第九場：「活力寶」搵到遮擋即現真身，升班孭輕磅仲有得爭。「點解」唔塞車未必輸俾前駒。「萬事欣」三班必夠贏。「有得威」排 1 4 檔局搶，今場輸形勢。「威威寶貝」返谷草有胡叫。「威武福星」復現追勢，如跑 1 4 0 0 米有得博。「花月流星」遊馬河。

第十場：「詠彩繽紛」跑番啱即輕鬆補中，打吡黑馬分子。「王者無敵」排外檔局留後但追勢唔強。「包裝鬥士」志不在此。「火紅人」輸咁遠令人意外。「期惑」拉士唔係韁繩甩手會有 Q 。「同個世界」太早發力。「睡德福」直路追好多應係匹有用嘅馬。

歡迎光臨公仔箱論壇 (http://5.39.217.76/)