公仔箱論壇 - Powered by Discuz! Board

標題: [港澳台] 當面受辱仲自誇孤寒財爺行開啦 [打印本頁]

作者: 信陽毛尖 時間: 2014-4-22 08:46 AM 標題: 當面受辱仲自誇孤寒財爺行開啦

老人家教落，面就人哋畀，架就自己丟。做咗衰嘢畀人侮辱係咎由自取，唔反躬自省之餘，仲爭住自誇自讚，扮晒英雄，最終只會自暴其醜咋。可惜吖，咁簡單嘅道理，財爺曾俊華好似唔明喎。
件事係咁嘅，立法會日前審議財政預算案，長毛梁國雄突然走到鬍鬚曾面前，兜口兜面撒出大疊陰司紙，諷刺佢寧願花二千多億元設立所謂嘅「未來基金」支持基建，都唔肯用五百億元推行全民退休保障制度。鬍鬚曾當堂扯晒火，仲即場回敬長毛一句「行開啦」。
議員同政客都係做騷，得啖笑嘅啫，點知鬍鬚曾意猶未盡，喺網誌撰文話事件令佢諗起喺美國讀書嗰陣，經常遇到一啲表面好惡嘅麻煩人，專挑選一啲明知唔會反抗嘅人去找麻煩「展示實力」，喺街坊面前做騷攞威。佢話遇到呢啲人，講一句「行開啦」已算好得體喎，擺明暗寸長毛係好惡嘅麻煩人，佢自己就扮晒好漢啦。
即係咁，議會暴力文化冇人會贊成，政客動輒喺議事堂上大吵大鬧，掟呢樣掟嗰樣，教壞細路，的確此風不可長。不過有果必有因，政客要用到咁偏激嘅手段表達意見，除咗做騷之外，唔通真係冇其他原因咩？如果財爺盡咗職，財政預算案做得好，市民滿意，啲政客邊有機會搞出呢場大龍鳳吖！# T& `& ?6 N2 F Q
鬍鬚曾年年預算年年失算，計數能力不如小學生，簡直醜死怪。呢一筆都唔提嘞，家陣民生維艱，而港府窮得只剩下錢，鬍鬚曾竟然又要「減甜」，又要「審慎理財」，對扶貧紓困一味耍手擰頭，直頭晉惠帝上身。不過咁，善財難捨，冤枉甘心，港府基建單單超支，淨係廣深港高鐵工程拖延，埋單計數隨時逾千億元都似，港府竟然闊佬懶理。鬍鬚曾仲話要成立「未來基金」喎，多多錢都唔夠浪費喇。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。2 u+ \- J1 _4 g$ n$ _) `
話時話，香港官富民窮，怨聲沸騰，深層次矛盾激化，身為大掌櫃嘅鬍鬚曾理財無方，甘當守財奴，實在難辭其咎。港府早前發表施政報告，大手筆為扶貧增加經常性開支，點不知鬍鬚曾竟然大唱反調，以未來可能出現「結構性財赤」為由閂晒水喉。有人形容鬍鬚曾係「大罪人」，真係一啲都冇講錯！5.39.217.763 O" r! k$ r0 m9 \6 U$ k3 r
人必自侮而後人侮之。講番長毛呢單嘢吖，要求全民退保嘅民意呼聲愈來愈高漲，鬍鬚曾借咗聾耳陳隻耳，乜都扮聽唔到，簡直與民為敵，唔畀人挑機至奇。講真，對於一個不知民間疾苦嘅財爺，市民都想好得體咁對佢講一句「行開啦」，叮！

歡迎光臨公仔箱論壇 (http://5.39.217.76/)