公仔箱論壇 - Powered by Discuz! Board

標題: 見到利物浦既將來 [打印本頁]

作者: puma8811 時間: 2008-3-10 08:23 AM 標題: 見到利物浦既將來

留意左好多場波, 覺得打法上利物浦真係有好大改善, 我自己最開心見到既係, 利物浦係朝住地面攻擊既模式發展. 如果大家留意下, 現時每當開短波時, 兩閘好多時已經升高到中場附近等波, 兩個中堅就分左邊, 當拉以拿開短波出來, 中堅好快就分波上到閘個位(即是中場附近), 閘好多時跟中場互動一番, 就可以做到空位落底, 用個波比以前好好多而唔係下下後防比人局就大腳斬上亂攻一番.

我相信係賓sir命令球員要咁企位, 不過咁踢法就真係要十個球員都控球穩定(所以賓sir要大換血), 因為咁踢法空位多左, 但可以講係中路大開, 只要後面交失波, 都幾大獲, 而防中個位(一般係沙比個位)更形重要. 但在推進層面上, 真係快左好多, 而且在通常可以在對方中前場就形成到壓迫感. 而且慢慢發展成為, 兩閘係攻擊閘為主.

我相信利物浦咁發展落去, 將來可以踢出漂亮地面進攻足球.

歡迎光臨公仔箱論壇 (http://5.39.217.76/)