公仔箱論壇 - Powered by Discuz! Board

標題: [港澳台] 唔斷財路唔知驚加辣制裁菲律賓 [打印本頁]

作者: serrurier 時間: 2014-2-3 03:41 AM 標題: 唔斷財路唔知驚加辣制裁菲律賓

唔斷財路唔知驚加辣制裁菲律賓

人有人格，國有國格，香港自然應該有港格。假如港格受到冒犯，應該點做好呢？唔使多講，梗係要還擊喇，金猴奮起千鈞棒，捍衞尊嚴吖嘛，正如你嘅人格受到踐踏嘅時候，你都會怒火中燒遇佛殺佛啦。

好衰唔衰，港格不斷受到冒犯，而且前前後後已經三年有多。功夫茶講緊嘅咪係馬尼拉人質事件囉，事隔一千幾個日與夜依然未得到圓滿解決，菲律賓政府至今仍然欠死難者家屬以至全體七百萬香港人一個正式道歉。患咗缺鈣軟骨症嘅特區政府一直拖拖拉拉，最近終於扚起心肝推出制裁措施，決定暫停菲律賓外交及公務護照持有人十四日免簽證訪港。

如果話特區政府係軟骨，咁賓賓政府就係賴皮。佢哋個賴皮總統阿基諾三世照舊非常不負責咁話，事件已經解決啦，唔會道歉呀。賓賓政府發言人仲話，制裁影響有限，其他簽證冇事。

菲律賓最高決策者係咁嘅嘴臉，下面嘅議員又點睇呢？兩個字，混亂；三個字，好混亂；四個字，非常混亂。/ p9 x. ~. p. T; w( N" ^

菲律賓三名參議員，包括前總統馬可斯兒子、馬尼拉市長埃斯特拉達兒子等人，敦促菲政府向港方道歉，擔心港菲緊張關係會影響在港工作嘅菲傭。簡單咁講，呢三個參議員認為菲律賓政府為當日未能控制局面而致歉並無不妥，難以理解為何至今拒絕道歉。

可惜，唔係每個菲律賓議員都咁明白事理，奎松市議員卡斯特洛表示，香港暫停菲律賓公務及外交免簽證安排，菲律賓政府亦應該向香港實施相同制裁，支持總統拒絕道歉嘅決定。呢一個鼓吹反制裁嘅議員仲促請菲律賓制訂本土旅遊發展計劃，以取代香港作為旅遊目的地。

一來做錯事死都唔道歉，二來厚臉皮鼓吹反制裁，你話呢個賓賓政府係咪一次又一次冒犯港格吖？容忍都有限度吖嘛，正如當今潮語有云：人不犯我，我不犯人；人若犯我，禮讓三分；人再犯我，我還一針；人還犯我，斬草除根！
. X3 o ~, s' [) e' C
特區政府嘅制裁措施冇錯係不痛不癢，的而且確影響有限，好似拮咗一針咁，之但係被制裁嘅對方都唔好咁欺人太甚吖嘛，唔道歉仲要反制裁即係喺死難者家屬傷口之上灑鹽，好冇品啫。
: V* P6 u0 r9 Z$ J6 I/ R
所以計功夫茶話齋，惟今之計冇辦法嘞，必須以加辣招數收拾無賴，最有效嘅制裁方法莫過於針對菲傭來港打工，事關輸出傭工係賓賓政府一個好重要嘅收入來源，你斷佢財路咯喎，佢先至知驚。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。; }5 P% I7 c* r# h( _ B2 R
人再犯我，我還一針；人還犯我，斬草除根；功夫茶強烈呼籲，特區政府以雷霆萬鈞之勢加碼制裁菲律賓！

歡迎光臨公仔箱論壇 (http://5.39.217.76/)