公仔箱論壇 - Powered by Discuz! Board

標題: [時事討論] 添馬男: 取消特區文工團資助 [打印本頁]

作者: felicity2010 時間: 2013-11-1 07:07 AM 標題: 添馬男: 取消特區文工團資助

添馬男:取消特區文工團資助tvb now,tvbnow,bttvb$ g3 ?6 h0 F# I( q& \* n; b- E

公仔箱論壇+ a- W, s% a% P+ N8 s" _8 R3 C6 F* f( ^5 O

- X7 Q+ S7 |) S

曾幾何時，全國一臺戲，只可演出革命芭蕾舞紅色娘子軍，女芭蕾舞員穿上解放裝拿起步槍道具騰空飛躍E字馬，何其壯觀，但文革時代根本不容有其他受西化資產階級文化汚染嘅舞蹈演出。今日，風水輪流轉，香港芭蕾舞團跳乜都得，偏偏就唔可以跳德國多蒙特芭蕾舞團華人藝術總監王新鵬編的文革一段。
/ p: | m( I. ]% H
事情荒謬之極，只不過係一段文革時代舞蹈，無端以技術問題刪走。如果用CSI方式調查，根據環境証供及綜合各人口供，港芭藝術總監Madeleide Onne大有問題。之所以引起政治干預批評，源於當日中聯辦主任張曉明睇首演，並與舞團有接觸。據港芭主席何超鳯表示，當時係祝賀，完全冇所映政治意見。以常理推測，張曉明唔係儍，冇理由會兜口兜面砌港芭。再者，「文革元素」有何敏感？何需作出大動作去惹來政治干預藝術指控，儍的嗎？

Madeleide Onne強調刪戲係藝術決定，又指投影部份無字幕，觀眾看唔明，要加字幕，又趕唔切。首先如果係藝術決定，應該先得到德國一方同意，但至今德方表示未獲通知，也無批准，究竟邊個講大話，我信德國藝團，因既然王新鵬視該段為主打，冇動機自我閹割，顯然係外力干預所致。更奇怪係原本演出該段投影根本就冇字幕，德國觀眾明白，為何以華人為主嘅本地觀眾會唔明，係Onne自己過分擔心觀眾唔明，抑或真正有觀眾反映唔明，抑或擔心有「一男子」觀眾唔明，芭蕾舞創作莫非要搞成TVB畫公仔畫出腸先至為之好？所謂字幕問題明顯不過係借口，掩飾刪去真正原因。劇中賈寶玉穿越時空，背景投影出由明清、民國、內戰、文革片段，試問有何難度去理解，莫非香港芭蕾舞觀眾，三十年來只懂欣賞胡桃夾子與吉賽爾？
tvb now,tvbnow,bttvb- w# K4 |+ z, ?6 f' S9 \
北上跳胡桃夾子更佳tvb now,tvbnow,bttvb* b& D2 K. l j% h8 d' m; J
tvb now,tvbnow,bttvb& Q% r0 e$ W* [* v, E; b5 m
仲有原本王新鵬作品德國公演版八分鐘文革場景，在首演時又已刪去，今次首演後再粗暴地刪去投影，係第二次閹割。港芭自上次鬧出辭退首席梁菲風波後，公眾已見到管理立立亂，今次胡言亂語，深夜開記招處理如此重大危機，口供又唔夾，所有公關大忌做到足，盡顯舞團管治水平不堪。我認為港芭唔好再用「香港」二字，不如改為「特區文工團」，北上專跳胡桃夾子同吉賽爾搵人仔好過！屆時有人仔賺，更加唔駛要港府資助，鐘意點跳都得。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 i+ x1 v: _. G) I
而家香港搞藝術創作，好危險㗎！

歡迎光臨公仔箱論壇 (http://5.39.217.76/)