公仔箱論壇 - Powered by Discuz! Board

標題: [香港] 馬尼拉市假道歉菲國政府真無賴 [打印本頁]

作者: nt1972 時間: 2013-10-28 04:28 AM 標題: 馬尼拉市假道歉菲國政府真無賴

馬尼拉人質事件未解決，菲律賓政府又玩花招，聲稱總統阿基諾三世早前喺汶萊出席東亞領導人會議期間，並無同中國總理李克強談及人質事件。中國外交部發言人直斥有關講法完全不符事實，再次敦促菲律賓當局尊重受害者家屬感受，盡快合情合理解決事件。
公仔箱論壇- P% ^+ K" C+ c( K
嗱，事實再次證明，菲律賓當局虛應故事，根本無誠意解決人質事件。所以呢，馬尼拉市官員聲稱，市長埃斯特拉達計劃下月底或者十二月初來港，就人質事件親自向港府遞交道歉信，並準備為受害者家屬賠償一千至二千萬港元，希望為人質事件畫上句號喎。睇嚟都係得個講字嘅咋，信佢一成，雙目失明。

係人都知，應該為人質事件負上最大責任嘅係菲律賓政府，依家居然由馬尼拉市政府出面道歉，咁點計數先？冤有頭，債有主，馬尼拉市政府根本唔可以代表整個國家，咁嘅道歉九唔搭八，不倫不類，完全唔啱規矩。菲律賓當局諗住瞞天過海，簡直係侮辱港人智慧。公仔箱論壇/ x, e* \4 f# I9 U7 R
公仔箱論壇* R& G! p* C1 m
更離譜嘅係，賠償唔係由馬尼拉市政府埋單，而係搵當地華商及華人籌募，咁同「敲腳骨」又有乜嘢分別呢？菲律賓政府無能，害死八名港人，唔肯道歉賠償不特止，仲要打華商甚至當地港人主意，仲有冇無恥啲呀？0 T; ~% o# w) ~
話時話吖，菲律賓當局搞咁多小動作，無非想香港盡快撤銷黑色旅遊警示，同埋唔好採取其他制裁措施啫。其實計太一叮話齋，對付卑鄙無恥嘅菲律賓政府，只有針鋒相對，迎頭痛擊，千祈唔好手軟吖。9 x2 r6 P9 u$ O- k

俗語話，打蛇打七寸。咪睇菲律賓三世祖總統扮晒有型，當香港冇到，只要打到致命死穴，隨時令佢跪低。呢，有立法會議員計劃提出私人條例草案，包括拒絕向菲傭發出新工作簽證，以及採取禁止菲律賓電子產品及黃金入口等經濟制裁措施，一旦落實，估計每年可令菲國損失二百七十五億元，呢啲咪就係菲律賓嘅死穴囉。
5.39.217.76! J7 G' a3 T, Q `
總而言之，菲律賓政府出蠱惑想逃避罪責，港人絕對唔會同意。我哋嘅要求其實好簡單，菲國政府正式道歉，按照香港法律對死難者家屬賠償，懲處責任官員，保證日後唔再發生同類慘劇。如果咁都做唔到，就唔使再傾，一於制裁可也，叮！5.39.217.769 \/ O1 s$ ~& f) Q, [

歡迎光臨公仔箱論壇 (http://5.39.217.76/)