公仔箱論壇 - Powered by Discuz! Board

標題: [時事討論] 王慧麟: 四風 [打印本頁]

作者: felicity2010 時間: 2013-10-24 06:41 AM 標題: 王慧麟: 四風

王慧麟: 四風# c0 I  T8 `! a7 R4 K/ U

依家香港寫評論流行即食，周三有事件A發生，周四就要有評論，周五要蓋棺論定，周六就要檢討道歉下台，周日就城市論壇鬧多轉，周一就有事件B發生，大家注意力又放響事件B上面，咁樣周二行會之前後就會圍繞事件B再吵過。到周三立法會開檔嗰陣，當立法會議員想跟進事件A，響立法會搞特權法調查之時，就有建制派話，喂！要將社會注意力放響民生議題上面，唔好再吵吵鬧鬧，吓！事件A就咁樣唔跟進，唔係卦，只係一個星期之前嘅事噃……！
tvb now,tvbnow,bttvb# D( h. S" S( l  b/ X' r, H; X
周而復始，其實我都覺得好煩厭。問題係，點解呢個政府要一而再、再而三讓事件不斷爆發呢？tvb now,tvbnow,bttvb6 [/ p7 f3 a% A# k& c# T

最近為咗寫一篇同烏干達有關的文章，花咗一段時間重溫當年睇嘅書，特別係東非聯邦前後的政治發展，順便為下年教書之材料再溫故一次。係呀，下年教非洲政治經濟學，玩票性質，只此一次。
Anyway，回看嗰本講烏干達暴力的社會根源一書，討論嘅事情係，點解烏干達響獨立之後，不斷發生大規模的屠殺及暴力事件呢？當然，最流行之解讀，就係種族衝突，即係政府文官係由Baganda族把持，但軍人則由另外兩個種族組成，於是為咗爭權而內鬥。好明顯，呢啲又係英國佬響獨立之前埋下嘅炸彈，響獨立之後引爆之，令到國家內鬥。

呢本書嘅作者帶領我地走入去另一個視角，就係語言之爭。話說烏干達係多種族國家，相對成熟嘅大種族，兼且又獲得英國佬扶植嘅係Buganda王國之Baganda族。於是，有啲人覺得，為咗令整個地區可以有效管治，就應該將Bangada之語言成為官方語言，成為地區教育制度之一部分，換言之，就要將呢個族之語言及背後之文化，強加落其他種族身上。另一堆傳教士就話，既然大家都冇共識，不如就用斯瓦希里語啦，反正都係外來語言，大家齊齊學，仲可以將烏干達同肯尼亞及坦桑尼亞之地方，有更好的語言溝通啦！結果語言之爭，搞到各種族更為對立，最後大家心不甘情不願地，唯有用大家更為唔識掌握之語言：英文。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。  O  f5 k( D7 H+ ]# L8 Y8 O* w
語言之戰的背後，其實係文化之戰。管治者強加一套語言落去，自然就會把語言背後的一套價值體系、歷史文化以至社會階級等等，強加於被管治者身上。但係，強加落去嘅結果就係矛盾與對立。烏干達管治者無知無能無心，單係語言就搞到各種族不和，埋下對立之禍根。

當香港日日要聽埋啲語言藝術，唔對立先奇。Hello Kitty領袖之語言，非常中國，例如用過「調動積極因素」、「舉措」、「階段性」等類新中國常用之辭彙，同呢塊土地之語言水土不服，自然會造成不安同矛盾。好在HelloKitty領袖暫時未用「批評和自我批評」、「照鏡子，正衣冠，洗洗澡，治治病」、「形式主義、官僚主義、享樂主義和奢靡之風」、「大排查、大檢修、大掃除」。乜嘢嚟？整水喉？隨時下年施政報告用㗎，呢啲語言！
公仔箱論壇5 }7 S0 Y! [# a
5.39.217.76' ~8 T) x+ b* Z0 f% d
(二之一)0 t' z! K1 r! C  X$ k

王慧麟: 製造仇恨

噚日講到重讀烏干達政治有心得？係㗎，因為讀到烏干達領袖搞唔掂，管治衰晒，於是只有一個方法繼續管治，就係不斷散播仇恨。
% o0 B5 \# x+ |( ?" D2 T* Q: G
乜嘢叫散播仇恨？好易啫，第一類，就係種族仇恨。只要領袖有種，大可散播一種針對某種族的言論，將社會不公平之事，賴落某些種族身上。例如阿敏就將烏干達之經濟失敗，賴落印度人身上。印度人響烏干達做開小生意，中小企之類，於是阿敏趕走成班印度佬，甚至沒收財產。( p+ m  a! I3 U$ B8 E* F
5 ]8 R9 L8 i% `- H
好啦，當經濟一路差落去，而又冇其他方法解決，就會再賴。咁就第二類，散播外來人士搶資源。例如烏干達響西邊接壤盧旺達同布隆迪。你知啦，殖民地年代邊度會有邊境呢個概念呢？來自盧旺達等地之種族，移居去咗烏干達之後落地生根。阿敏執政之後話，呢班人阻住地球轉，基層工作畀佢地搶晒，咁樣咪又衝突咯！呢個叫做利用外來移民散播仇恨。tvb now,tvbnow,bttvb8 q& a# i, o' J: [) i: J
第三類咪係搞人民內部矛盾，散播內部對立之情緒。響冷戰年代，烏干達無可避免被捲入美蘇陣營之間的鬥爭。阿敏表面唔係親蘇，但都曾經想黐過去。佢又唔想畀人話親美，查實都曾經親以色列搵著數。最後又黐埋沙特阿拉伯同埋利比亞狂人卡特菲，咁樣嘅政治氣候，左中右知識分子、宗教人士、政客互相攻擊，日日開火，佢地個個埋頭互鬥，又點會團結反對阿敏呢？

所以，一個走正路嘅領袖，要得到人民支持，最好之方法當然係搞好管治，搞好政策，為人民謀福祉。但一個走邪路嘅領袖呢，一樣可以管治落去，但就會用旁門左道，例如散播仇恨，仇內又仇外，最後就係煽動社會不同人士不同界別不同意識形態之市民互相對立，然後又搵一堆外來人士來仇恨，總之就不斷仇恨，仇到個社會四分五裂，跟手就夠鐘做夠下台。阿扁最叻就係咁樣做，香港又咪係一樣，係唔係？tvb now,tvbnow,bttvb3 b: R! g2 j8 b; E" X4 b

仇恨對方係最廉價的政治管治伎倆，但係總係有人樂之不疲。依家係好睇香港社會之抗疫力得唔得。無論你係邊一瓣之政治觀點，究竟你響批評別人之時，仲有冇容人之量，讓不同意見之聲音發聲。依家個政治市場，瞬息萬變，2017來到，成班政治大鱷響度游弋之中，搵緊唔同人埋位又埋班，邊個上邊個落，已經計緊數。只要個政治市場大風大浪，政治大鱷就會出來以維穩名義搵著數，所以，越亂越好！公仔箱論壇0 k. {  U2 S) ~5 r  [, h

如果我係Hello Kitty領袖之支持者，最好就係個社會越多仇恨越多對立就越好，因為到2017埋牙選舉嗰陣，仇恨變成社會風氣，將中間選民嚇走晒，只剩低鐵票對撼。如果真係鐵票互撼，中間選民走晒，咁建制就一定贏得好舒服。「一男子」要連任，真係隨時偷到雞。阿扁連任，就係靠呢味嘢。有人話唔想見到對立仇恨，但係，有啲管治者又未必咁樣想，唔點火唔安樂。或者，這就是香港人的命運。5.39.217.76! T; [0 i  J, l9 T9 o" b6 g
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。4 `3 p, Q- ]7 q3 J

TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。1 X; z1 P' u" m4 [! X$ {! d& ^
(二之二)

歡迎光臨公仔箱論壇 (http://5.39.217.76/)