公仔箱論壇 - Powered by Discuz! Board

標題: [新聞] 曼聯足總盃主場迎兵工廠 [打印本頁]

作者: may5411 時間: 2008-2-16 02:51 PM 標題: 曼聯足總盃主場迎兵工廠

　週日凌晨將會有英足總的賽事上演，曼聯將會主場迎戰阿仙奴爭取半準決賽的一席位；而修咸頓會在較早的時間作客挑戰英甲球隊布里斯托流浪。

　　曼聯主場拆「廠」有難度

　　曼聯在上一圈以3比1擊敗熱刺之後，今仗卻迎來另一支倫敦球隊阿仙奴，由於球隊連續2場聯賽都失分於對手，令到球隊與榜首的距離相差了5分，對陣中的士氣大受打擊，所以今仗有一定隱憂。在打比戰中停賽的朗尼和艾華都一同回到大軍中，而沙哈亦告傷癒復出，不過加利尼維利和施維斯達因傷倦勤，預料復出的朗尼和迪維斯合作攻堅。

　　阿仙奴在上一圈大勝紐卡素 3比0晉級之後，連續3場聯賽都全取3分，把榜首領先的優勢漸漸擴大，球隊士氣如虹，但由於要在即將到來的歐冠盃與勁隊交手，或會在今仗留力。阿蒙尼亞、卡歷治、祖亞奧、魯錫斯基、N.丹尼遜、華確特、V.戴亞比以及雲佩斯均因傷缺陣，而辛達路斯亦因傷上陣成疑，B.沙格拿因私人問題而不在陣中，不過高拿杜尼和E.艾保爾都可復出披甲，而近期頻頻有「士哥」的艾迪拜約會在前線爭取入球。

　　修咸頓作客有危機

　　修咸頓上一圈主場以2比0擊敗對手晉級，可惜球隊未能承接贏波的氣勢，近4場聯賽只取得1和3負的成績，而且球隊今仗更加要作客出征，令到晉級的難度再增大。安祖戴維斯因傷上陣成疑，所以傷癒復出的禾尼湯馬士會代替他，由於沙費爾須要繼續停賽，所以維亞費拿亦會繼續出任中場，奧斯隆特的傷勢無大礙可以披甲上陣，域奴爾亦告傷癒復出，不過龍迪雲、馬堅和N.戴亞因傷倦勤。

　　布里斯托流浪上一圈作客以1比0小勝對手晉級之後，球隊連續3仗主場賽事都獲勝，士氣不俗，今仗對手雖然是英冠的球隊，但或能憑主場的優勢把差距抵銷。借將安東尼佩利斯因身份問題而不能上陣，史提芬艾利洛和賴恩格林因傷缺陣，預料R.林拔和安祖威廉士會在前線攻堅。

作者: may5411 時間: 2008-2-16 03:00 PM 標題: 紅魔鬥槍手係威係細

曼聯對阿仙奴英足總係今晚重頭戲，雖然紅魔鬼近況麻麻，但兵工廠客場表現亦唔算可靠，加上近年造訪奧脫福都係開細多，呢場「孖膽」頭關一於向細比數和波埋手，敲0:0、1:1。皇家馬德里緊要應付歐冠盃，今晚造訪貝迪斯隨時勒住贏，次關押0:1、1:2。

　　皇馬勒住博小勝

　　今晚曼聯足總盃雖佔地利，但聯賽連續失分畀熱刺同曼城後，睇得出紅魔狀態麻麻，試問又點贏愈戰愈勇阿仙奴？兵工廠艾迪巴約入球停不了，加上三位非洲兵又已歸隊，陣容真係唔錯，不過「槍手」客場表現不穩，今季就曾經失分畀米杜士堡、紐卡素同樸茨茅夫，呢場都係敲和穩陣。阿仙奴近七次去到奧脫福都係開細，今次一於追多鋪，玩0:0、1:1兩個細和波波膽。

　　另外，貝迪斯最近對住下游拉科魯尼亞同態沉華倫西亞都輸得，今晚面對皇馬可以有乜期望？不過皇馬下周中要出戰歐聯，今晚勒住踢睇怕都係小勝居多，0:1、1:2最似樣！

歡迎光臨公仔箱論壇 (http://5.39.217.76/)