公仔箱論壇 - Powered by Discuz! Board

標題: [香港] 中港混戰牛魔王引入競爭破壟斷 [打印本頁]

作者: nt1972 時間: 2013-8-15 05:33 AM 標題: 中港混戰牛魔王引入競爭破壟斷

開講有話，國以民為本，民以食為天。梁振英政府開宗明義「民生無小事」，保障食品供應同價格穩定，免得市民冇啖好食，理應係施政「重中之重」o架。
tvb now,tvbnow,bttvb8 [# J$ \, t, l6 R9 w: Z
呢，最近港府都真係幾關注市民口腹之欲o架。堂堂特首喺官方網站教大家煎紅衫魚，激發網民熱烈回應，你一句「煎魚就係做實事」，佢一句「特首網誌多舊魚」，不知幾咁熱鬧。食衞局局長高永文就親身北上商討供港活牛數量減少及價格飆升問題，佢話喎，食衞局已經同國家商務部合作成立供港活牛工作小組，盡快展開調查，制訂解決方案。孫悟空大戰牛魔王嘅故事大家都聽過，家陣中港政府合力大戰牛魔王，唔知最終乜結局呢？公仔箱論壇' x+ [0 p+ k' D3 @2 Q1 R

計太一叮話齋，特首教煎紅衫魚固然係得啖笑，但牛肉問題就真係唔講得笑o架。事關內地進口活牛批發價一年內加足八次，零售價被推高一倍，每斤加到一百元左右，加到升斗市民心驚肉跳、荷包緊縮。牛肉咁矜貴，幾多人食得起呀，難怪有人話食牛肉係身份象徵啦。

當年孔子三月不知肉味，面有菜色，如今港人三月不知牛味，面有慍色。大家諗來諗去都諗唔通，點解深圳牛肉只賣五十元人仔一斤，一來到香港就要賣咁貴呢？莫非受前朝貪曾爵士嘅「黃金十年」偉論感召，深圳河變成「黃金河」，啲牛肉一過邊境，立即升價一倍？公仔箱論壇/ z6 z/ p) v; r1 B, S

有零售商話喎，一切皆因壟斷作怪。事關供港活牛一直由五豐行獨家經營，只此一家，別無分店，佢哋要賣幾貴就幾貴，要加幾多就幾多，港人同零售商完全冇SAY。總而言之，流水落花春去也，天下熙熙皆為利，過往保障香港同胞嘅措施已經變質，遠嘅唔講，大家只要睇吓廣東兄弟供應香港嘅東江水價居然比馬來西亞向新加坡供水貴二百幾倍，就知道世界變啦。

即係咁，太陽日日升起，世界不斷改變，祖國走向市場經濟，大家樂見其成，亦冇人要求五豐行做蝕本生意，之但係，做生意就要面對競爭，政府有責任做好「球證」角色，打破市場壟斷。正如鄧伯伯話齋，實踐是檢驗真理的唯一標準，供港活豬市場開放後零售價降咗兩成，究竟活牛市場開放可唔可以達到同樣效果，試下咪知囉。5.39.217.761 H4 _+ m! j& s$ o
公仔箱論壇6 x) ~: Z; Q2 d; V; b5 o
一句到尾，民生無小事，要求內地開放供港活牛市場，港府責無旁貸。你知啦，家陣港府民望連環插水，成個問責團隊得高永文一個「表現理想」，太一叮都唔想見到你表演「高台跳水」o架，叮！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- V+ U) t1 P8 G+ I/ ]8 ^

歡迎光臨公仔箱論壇 (http://5.39.217.76/)