公仔箱論壇 - Powered by Discuz! Board

標題: 今晚英超 [打印本頁]

作者: laokong 時間: 2008-1-29 05:38 PM 標題: 今晚英超

@纽卡斯尔联

:onion18:

赢盘啊

作者: wlt1110 時間: 2008-1-29 11:46 PM

阿仙奴　VS　紐卡素來源：蘋果日報

　基岡上任後的紐卡素並沒有“換帥如換刀”，比賽場面和比分都不能讓人滿意。近6輪聯賽，喜鵲2平4負，排名僅高過德比郡。目前的英超積分榜上，阿仙奴與曼聯爭奪激烈，沒有任何放松的本錢。本季英超主場，阿仙奴取得了10勝2平的良好成績，本戰當會全力以赴。

英超重心：捧阿仙奴再炒「紐」

來源：蘋果日報

　　冇錯，又係阿仙奴對紐卡素，兩軍剛在上周六英足總碰頭，今役場合只換了是英超聯；兵工廠又於阿聯酋球場出戰，料可再一次擊退紐卡素，惟4大中場缺少魯錫斯基下，實1:0、2:0「細」膽。（球賽編號：星期二7；now632台3:45a.m直播）畢傑

　　阿仙奴3日前才於英足盃第4圈以3:0擯紐記出局，該仗「喜鵲」表現雖是不俗，但只限半場貨仔；其後下半場連輸3球，戰果算是正常。紐記最大弊處是唔夠人用兼攻力極弱，O.馬田斯及謝利米等非洲兵續缺陣，J.巴頓早前因鬧事未獲「解封」，安利今役將坐第3場波監又要避戰，兵源嚴重不足。

　　基瑾接手冇起色

　　紐卡素新帥奇雲基瑾雖揚言不急於擴軍，但開晒口話想羅致進攻中場加強創造力，眼看尼索比亞、畢特及阿倫史密夫等俱不是派牌球員，傷癒的杜夫狀態又一般，縱使右路的占士米拿持續交出表現，但攻力仍然不夠。難怪自基瑾正式帶隊後，對保頓及阿仙奴均要交白卷，即使他們將邀得列斯聯領隊韋斯任助，相信短期內再對兵工廠難即時反彈。

　　阿仙奴在聯賽盃1:5大敗予熱刺，上周六英足盃即大勝紐卡素3:0，艾迪拜約腳風大順梅開二度。至於這名多哥射手與N.賓特拿的出醜事件，最近兩人亦已冰釋前嫌；故就算續缺雲佩斯、N.丹尼遜及佐羅，相信要再一次擊敗紐卡素非太難。

　　阿仙奴缺路斯基吼「細」

　　不過，阿仙奴4大中場之一的路斯基在上場英足盃早段傷出，賽前稱很大機會要避戰，將由小將華確特任正選右中場；而英足盃僅後備上陣10多分鐘的希比則出任左中場，攻力或稍減，故撇取主隊又可大勝一仗。

　　往績上，阿仙奴近8次迎戰紐卡素得7勝1和，1.25倍W冇走雞；考慮到紐記攻力疲弱，且深明與對手鬥攻盞輸得仲快，我在此首選2:0波膽，次選4.2倍「和/主」。

　　星期二7

　　阿仙奴vs紐卡素2：0

　　讓球主客和：H主勝

　　半全場：和/主

　　盤口：阿仙奴[-1]

兵工廠強陣「捕鵲」

來源：星島綜合

　　(星島日報報道)阿仙奴剛在英足總第四圈主場三蛋慨贈紐卡素，今晚於英超繼續在阿聯酋航空球場出戰「喜鵲」，將會派遣更強陣容應戰，勝算可謂高唱入雲。今仗一於再博兵工廠「捕鵲」，主勝必熱捧。

　　阿仙奴四天前在足總盃主場大破紐卡素三比○ ，一吐早前於聯賽盃慘敗熱刺出局的烏氣，士氣大增。今晚英超兵工廠再於主場出戰紐卡素，預計上仗休息的門將阿蒙尼亞、右閘B.沙格拿及中場希比都會披甲出戰，陣容更見完整，再勝紐卡素的機會便隨即大增。

　　紐卡素在上周六足總盃造訪兵工廠時，已暴露出防守不穩的毛病，現時的防陣容，根本不足以抵禦艾迪拜約及基拔圖施華等兵工廠射手。其中，紐卡素領隊基瑾亦承認艾迪巴約鋒力強勁，更說：「現在的艾迪巴約已接過了亨利的旗幟，已是一名相當全面的射手。」艾迪巴約剛在足總盃兩度攻破紐卡素大門，今晚料可再度為阿仙奴建功。

　　同時，基雲主張進攻足球，但一眾紐卡素攻擊主力近期都甚少入球進帳，近六仗中僅於足總盃第三圈對戰英冠球隊史篤城時攻入四球，其餘五仗都顆粒無收，要在作客情況下跟阿仙奴鬥攻，簡直是自暴其短。即使基瑾仍力撐奧雲將回復射手本色，唯此子近況低沉，實在難予厚望。畢竟，紐卡素近八次造訪阿仙奴僅得一和七負，今晚再訪兵工廠必然再敗，因此，今仗當然要熱捧主勝。

資料寶藏：紐卡素「次回合」冇運行

來源：蘋果日報

　　紐卡素剛於上周六英足總與阿仙奴交手，當時作客淨負0:3出局；翻查紐記近年與同一對手在短期內再相遇，他們通常亦冇運行輸波收場。

　　最近一次為上季在歐協盃16強與艾克馬亞交手，首回合主場能勝4:2；不過，卻在一周後的次回合淨負0:2。再數對上幾季，便先後不敵伯明翰、車路士及曼聯（見附表）；唯一能短期內在「第2回合」擊敗對手的場次，只有上屆歐協盃32強勝實力較弱的華雷根。

　　因此，紐卡素又再遇上兵工廠，信紐記往績的話，今晚應一樣冇運行。文：畢傑

　　紐記短期內遇同一對手戰果

　　15/03/07：客負阿爾克馬爾0:2/歐協
　　08/03/07：主勝阿爾克馬爾4:2/歐協
　　22/02/07：主勝威爾郡1:0/歐協
　　15/02/07：客勝華雷根3:1/歐協
　　17/01/07：主負伯明翰1:5/英足盃
　　06/01/07：客和伯明翰2:2/英足盃
　　20/12/06：主負車路士0:1/英聯盃
　　13/12/06：客負車路士0:1/聯賽
　　24/04/05：客負曼聯1:2/聯賽
　　17/04/05：中負曼聯1:4/英足盃

基瑾冇料到難救紐卡素兵工廠打鵲愛打莊

來源：太陽報

　　你估真係掛住個「國王」招牌，靠食老本就可以救得番隊波咩？畀紐卡素球迷叫做「King Kev」基瑾，返帶隊兩場波一球都入唔到，三日前先英足總吞阿仙奴三蛋，老實講，三日後英超，安高真係睇唔出佢有乜把炮翻身囉，今場梗係照捧「讓球主勝」啦！（now632台周三凌晨3:45直播）

　　三日前兩隊足總盃交手，上半場都仲叫做拉成均勢，點知下半場「喜鵲」就冇晒料到，慘吞三蛋出局，賽後仲有人踢爆基瑾波根本齋當秘笈，安高唔知真定假，但之前對弱旅保頓贏唔到，依家對未「夫添」「兵工廠」又輸埋，似乎短時間之內，佢都難有起色喎。

　　足總盃出二線兵都贏

　　事實上，踢足總盃時「兵工廠」，都仲係用緊部分二線兵好似華確特、V.戴亞比同賀爾迪幾件，今晚返到聯賽賽事，領隊雲格肯定會擺番強陣出師，包括希比、基拔圖施華同門將阿蒙尼亞，成班生牯仔又係搶到你死，加埋個知錯認衰大打身價波艾迪拜約，主場出擊再炒多你一鋪，真係有乜出奇先？

　　紐卡素呢邊，近八場波贏得一場，正如基瑾自己話齋，班波冇信心嘛！講人腳，有奧雲、杜夫、阿倫史密夫同占士米拿呢班中前場球員壓陣，有乜理由近六場波有五場食白果先？前面攻不銳，後面守不穩，領隊基瑾又未必有奇招傍身，想雲格阿仙奴身上搵數？咪使旨意！

阿仙奴心理「素」質高

來源：太陽報

　　阿仙奴同紐卡素短短五日內第二次碰頭，兵工廠氣勢上緊，相反喜鵲換埋領隊仲係好沉，阿仙奴唔留力可以輕鬆贏多鋪。

　　以往兵工廠一直都被認為心理素質唔夠硬淨，先至出現當年連續四十九場不敗紀錄被終結後迅速下滑情況。但家陣阿仙奴表現唔同晒，正如雲格所講：「年輕人要學識點樣應付失望。」睇番今季三場敗局後跟住場比賽全部贏波反彈，標誌住阿仙奴球員成長兼成熟。

　　仲有雲格睇通睇透對手有幾多料，英足總魯錫斯基受傷離場後，即刻派基拔圖施華入場維持番中前場活力，先至完全控制下半場，全場射門一面倒十七比四，控球權完全掌握兵工廠手中，紐卡素被徹底摧毀只係時間遲定早。

　　其實，基瑾並非最適當時機重返紐卡素，所以依家「巧婦難為無米炊」，中前場陣容天殘地缺，一向崇尚進攻基瑾都有心無力。上場夾硬谷前反而暴露更多後防漏洞，加埋到後段體力出現問題，結果兵敗如山倒，睇怕呢場又係凶多吉少喇！

　　順便提埋聽晚比賽，利物浦主帥賓尼迪斯玩輪換制走火入魔，足總盃贏地區聯賽球隊哈雲特表現有幾差，球迷有目共睹，防守明顯出問題，一場比賽中心理狀態起伏太大，對住弱隊仲可以勉強過關，呢場作客對住強悍韋斯咸就冇運行！

作者: wlt1110 時間: 2008-1-29 11:47 PM

歡迎光臨公仔箱論壇 (http://5.39.217.76/)