標題:
赛事前瞻:紅軍主場恭候阿士東維拉
[打印本頁]
作者:
may5411
時間:
2008-1-21 03:37 PM
標題:
赛事前瞻:紅軍主場恭候阿士東維拉
週二凌晨英格蘭超級聯賽將上演獨腳戲，由利物浦主場迎戰阿士東維拉。
利物浦上仗足總盃主場大炒盧頓5比0終止了球隊4戰不勝的尷尬成績，球員士氣大增，今仗坐擁主場之利，誓要取勝全取3分。陣容方面，今仗丹麥後衛D.艾加因傷將肯定無法上陣，但上仗對盧頓傷癒復出的歐維里奧預計今仗將會上陣。
阿士東維拉近期表現不俗，近4戰中取得3勝1負，而且在聯賽更正值三連勝，在積分榜排第六位，今仗要作客面對火力強大的利物浦，恐怕亦難樂觀。陣容方面，球隊必然正選巴利今仗因傷上陣成疑，但後衛美貝治今仗將會傷癒復出，被外借到維拉的利物浦門將史葛卡臣因合約關係今仗將不會上陣，而史超活泰萊被委任為正選門將。
利物浦兩位美國班主希斯同吉列，早前拒絕杜拜財團收購佢一半股份建議，後者一不做、二不休，豪擲五億鎊欲一次過買晒二人手上股份，利物浦極有可能於一年內兩度易主。呢個前景未明朗時候，球員士氣同軍心好緊要，所以向來得民心賓尼迪斯同謝拉特，近日挺身而出同班隊友講，無論球隊命運如何，都唔可以衰畀外人睇，從上周中足總盃重賽大勝盧頓五比○，可見球員團結一致，踢番起個信心。
維拉防線露缺口
事實上，利物浦今季主場仍有水準，連盃賽近九場主場贏七場，雖然早前曾經一度四場未贏過，但當中有三場係作客，返到主場威力自然唔同，而利物浦對賽往績上亦食住對手，近六次交手五勝一和，如果淨係計主場，近四季主場亦全勝，有咁好戰績支持，加上陣中只有丹尼爾艾格一名傷兵，強陣應戰主W相當值得捧場。
維拉聯賽三連勝，但防線演出卻未如理想，連續九場都有失波，今仗更缺少利物浦借將卡臣把關，要由泰萊臨危受命，呢位門將今季甚少上陣，今仗作客晏菲路隨時慌失失，況且維拉今季唔少入球都係靠死球或頭槌建功，而利物浦條防線又出名硬淨，樂比仔相信利物浦今仗可憑質素小勝對手。
[
本帖最後由 may5411 於 2008-1-21 03:42 PM 編輯
]
歡迎光臨 公仔箱論壇 (http://5.39.217.76/)
Powered by Discuz! 7.0.0
