公仔箱論壇 - Powered by Discuz! Board

標題: 龔如心契仔「最後遺書」宣戰 [打印本頁]

作者: nt1972 時間: 2013-3-26 04:27 AM 標題: 龔如心契仔「最後遺書」宣戰

龔如心八百億遺產再掀第三波訴訟！華懋慈善基金正提出上訴推翻高院裁決基金是遺產「受託人」，要求是「受益人」，龔如心唯一契仔張雁坤再站出來指手上擁有一份契媽臨終前一星期親手簽署交託給他的「最後遺書」，說契媽表明希望由他負責管理遺產，又不諱言契媽的三名弟妹非專業人士，絕非管理集團及慈善基金之才，已向律政司自薦擔任基金監督。不過，基金主席龔仁心則指「佢邊有資格做監督？唔通佢大過總理？大過特首？」又謂「如果佢想做慈善，可以去阿富汗……可以去老人院幫啲老人家換尿片！」

張雁坤向傳媒展示小甜甜寫給他的「最後遺書」，以英文打字而成，下款有龔如心的簽名，日期為○七年三月廿九日，即龔病逝前一星期，短短七行字的內容大意是：「這是我最後的遺願，希望於我離世後，我契仔張雁坤能在管理我遺產及多個基金上扮演重要角色，我深信我契仔能好好照顧我的家人、我丈夫王德輝的家人，以及服務我多年、深得我信任的員工。我十分遺憾沒有足夠時間來達致我的願望，就是貢獻社會和我深愛的國家。」5.39.217.767 Y" i9 k/ Q" P- i

去信律政司自薦做監督張雁坤說已於一年半前將上述信件交予律政司，數月前亦去信律政司，指按其契媽遺願，是希望由契爺生前好友夏佳里及簡福飴，以及國家前總理朱鎔基派代表來港擔任基金監管委員會成員，而他本人則可擔任委員會監督。至於契媽的三名弟妹應否加入，張表示，華懋老臣子當年簽署讓三人成為基金董事，是由於契媽剛離世，太急太亂，「但管財政要專業人士，管捐贈都要專業人士，但佢哋三個都未做過生意同投資。」9 {$ m! D8 c u
公仔箱論壇" A# x/ i' A) c0 G
指華懋拆樓違契媽遺願「如果佢哋三個係疼錫家姐，應向公司畀一啲有建設性嘅建議，但呢幾年，華懋買樓、賣樓、拆樓，我好唔滿意，相信契爺、契媽都會唔滿意。」張指出，華懋集團共有四百幢物業，但是近年卻拆卸多座樓宇，「華懋唔係上市公司，唔需要拆樓重建嚟增加地積比賺錢」，除有違契媽愛環保的意願，之前拆卸中環的一幢大廈，更是契爺契媽七十年代拍拖時愛到的地方，但新一代華懋中人不知道，「呢啲都係兩個嘅Sweet Memory（甜蜜回憶）。」
公仔箱論壇6 j; r- r: E2 z8 [5 j( ^( y
龔仁心：唔通佢大過總理對於張雁坤指龔家三姐弟非專業人士，不是管理基金的最佳人選，龔仁心指其姊在遺囑上寫明，希望由國家前總理朱鎔基、聯合國代表及特首來監管基金，「唔通佢（張）大過總理、特首呀？佢邊有資格做監督呀？簡直係笑話，叫佢唔好咁自大，提高自己身份先啦！佢亦冇資格委任咩人入去。」被指華懋近年經常拆樓，龔仁心稱，「呢啲係王太（龔如心）嘅決定，之前已經探討過，唔需要同佢交代！」
0 w0 F: A: I6 S! Z6 r+ \6 f$ F7 {2 i
龔仁心又謂，從未聽過其姊有「最後的遺書」，並駁斥張指，「如果佢咁鍾意做慈善，可以去四川、去西藏、去阿富汗，呢啲地方嘅人都好需要援助，佢亦可以去老人院幫啲老人家換尿片！」至於張表示希望相約龔、王兩家一起吃飯，「我同佢（張）唔係好熟，唔想同佢食飯！」公仔箱論壇! T9 J5 D$ \( T! D/ q2 L1 D

歡迎光臨公仔箱論壇 (http://5.39.217.76/)