公仔箱論壇 - Powered by Discuz! Board

標題: 東方辦報夠用心大海都可撈到針 [打印本頁]

作者: jjwah 時間: 2013-2-26 09:38 AM 標題: 東方辦報夠用心大海都可撈到針

有東方當然冇窮人，有東方更加冇頭痕，點解咁講？事關東方報業集團旗下《東方日報》同《太陽報》銷量勁讀者多，一經兩報詳盡報道自然效用宏大，唔怕講得誇張少少，大海都可以撈到針呀！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- T; E& Q2 q- @" C0 A5 d5 }% ^: J. ?
如果大家唔明乜嘢叫做大海撈針，咁就要睇睇一個峰迴路轉嘅故事嘞。咦咦咦，咪住先，未入正題之前，功夫茶想講另一個情節更加離奇嘅故事喎。加拿大華裔女生藍可兒千里走單騎去咗美國，入住一間「猛鬼酒店」之後人間蒸發，跟住唔知點解屍沉酒店水缸，死得撲朔迷離。0 f/ q3 @9 X; j; }8 ?
好嘞，如果大家發覺有兩個香港美少女去到南美國家阿根廷，然後不明不白失蹤咗，會唔會產生毛骨悚然嘅恐懼感呢？兩個香港美少女係十八歲嘅陳慧虹同歐靜雯，兩人分別於二月十五同十八日用手機傳短訊向男友以及姑姐求救，聲稱喺阿根廷被禁錮，並且索取賠償十萬美元。一聽到咁嘅情況，家人當然憂心如焚啦，隨即向入境處同警方求救。
與此同時，東方報業集團接獲家屬求助，《東方日報》同《太陽報》率先報道，梗係引起全城關注啦。就係咁樣，特區政府、國際刑警同當地執法機構介入事件，跨國聯手尋找兩個失蹤人口。終於咯喎，喜訊傳來，離奇失蹤兩星期嘅兩名港女現身布宜諾斯艾利斯，向中國大使館求助，令家人抹一額汗又鬆一口氣。兩人後來入住當地一間五星級酒店，香港三名高級警官抵達當地協助調查，試圖解開有少少「奇幻漂流」感覺嘅失蹤疑案。5.39.217.76& b+ E- ^1 g+ t8 Z$ \7 X( R9 N
姑勿論成個故事嘅砌圖遊戲將會如何抽絲剝繭，功夫茶要同大家講嘅就係，由於東方報業集團辦報夠專業又夠用心，所以大海都可以撈到針！
按照兩位港女逃出險境之後嘅講法，當初係為咗幫人帶花瓶先至遠赴阿根廷，不過運送期間意外將花瓶打爛，當地華僑將兩人嘅證件扣起以防逃走，佢哋又話被扣留期間得到當地華僑提供膳食同住宿。兩位港女向使館人員表示：「佢哋幾日前畀番證件我哋，又畀錢我哋搭的士嚟大使館。」5.39.217.76 I( R0 S3 |7 e" T: Z
嗯……大家係咪覺得成件事仲有好多百思不得其解嘅地方？不如咁啦，交畀東方鍥而不捨嘅記者尋根問底，睇睇葫蘆裏究竟賣嘅係乜嘢藥，大家密切留意事態發展就得嘞。
總而言之禁錮疑案化險為夷，只要事主安全就萬事有商量，唔似得藍可兒命案，水落石出嘅難度高到冇朋友呀！
最後功夫茶提醒各位千嬌百媚嘅女士，出門真係要小心呀，尤其要帶眼識人，地球真係好危險o架！

歡迎光臨公仔箱論壇 (http://5.39.217.76/)