公仔箱論壇 - Powered by Discuz! Board

標題: (河馬仔專欄)1月27日『真飛心水馬』 [打印本頁]

作者: 河馬仔河馬 時間: 2013-1-26 10:08 PM 標題: (河馬仔專欄)1月27日『真飛心水馬』

累積賺蝕 = - $522.5

(以下分析只是河馬仔個人觀點，注數只是河馬仔自己會買的，僅屬參考而已，賽馬沒有必勝，絕不可以孤注一擲或投注過度。)

其實今次真係冇心水，今日都去了睇Andy Warhol的展覽，所以自己都係過吓癮玩下就算。

今次就會選獨贏及位置過關，希望開開心心玩一天啦。

第4場會揀『無雙小子』，此老馬其實狀態跑起，特別在前一場泥地賽事在後上位置走得不俗，該場頭兩名皆及後再有好表現。雖然此駒上場話不願展步，但在外檔力追之下居然係全場最快時間，而在草閘拍『和諧大使』一課快時間下輕鬆跳贏，可能現時老馬又要拉長少少跑先得都未知。

第6場就選『人人興旺』，今年跑三場唔係跟前跟住快步速就沿途外疊，特別以上場追勢不比友運行失禮，用巫斯義發揮此駒後勁總覺較韋達好，有2檔就跑法可以靈活多了。

第8場要蝕分甚多之『跑寶貝跑』，始終上場可以沿途纏實『祟山寶』而令對手敗陣，再加上主力對手非正宗一千米馬，『鷹之團』更久疏戰陣，有時靠銳就可一擊而破的。

第10場就要冷馬『旺當家』，『小母牛』及『太陽好好』固然強勁，但『小母牛』今場要面對『開心指數』之狂放，而『太陽好好』今戰可能要比上仗留得更後，能否像上仗般衝到就未知。相反『旺當家』田草千二非常耍家，今季兩戰皆證門可在二班中企得穩，同『綠色好』實力差唔多，今次仲要有一檔，未必唔可以贏。

『真飛心水馬』(TOTAL $750)
獨贏過關4串15 ($300)
第四場 : 4. 無雙小子
第六場 : 9. 人人興旺
第八場 : 13. 跑寶貝跑
第十場 : 11. 旺當家 ($20注)
位置過關4串15 ($450)
第四場 : 4. 無雙小子
第六場 : 9. 人人興旺
第八場 : 13. 跑寶貝跑
第十場 : 11. 旺當家
($30注)

一向喜歡跳舞唱歌的看板娘司馬蓮華，為了自己的夢想，總會在有機會的時候練習及改善，希望能做到一舉手一投足都是盡善盡美，來得到觀眾的掌聲。

司馬蓮華能希望和各位一樣，一直努力向前，為自己的夢想奮鬥，為自己的未來起舞！！！

(較大的圖)

此Wallpaper由河馬仔設計及監製及持有版權、由香港同人畫師---群千鳥繪製而成。

*(圖中所述之故事及看板娘人名純屬虛構、如有雷同、實屬巧合。)

作者: 河馬仔河馬 時間: 2013-1-26 10:42 PM

1月27日河馬仔『真飛心水馬』真金白銀投注紀錄
(是日投注總數 $750)

作者: 河馬仔河馬 時間: 2013-1-28 12:40 AM

是日<河馬仔賽馬專欄>之心水結果由看板娘馬場樂子報導
(睇見個位置過關派彩都好想笑！！)

是日賺蝕 : = - $750 + $450 = - $300

累積賺蝕 = - $522.5 - $300 = - $822.5

歡迎光臨公仔箱論壇 (http://5.39.217.76/)