公仔箱論壇 - Powered by Discuz! Board

標題: [時事討論] 好不主席：沒能怪人 - 盧先亞 [打印本頁]

作者: ktangnp 時間: 2012-10-9 04:48 AM 標題: 好不主席：沒能怪人 - 盧先亞

細個有段時間迷上捉棋，一放學就走去屋企附近公園睇啲阿伯對弈，唔係要食晚飯都唔捨得返歸。除咗啲阿伯，亦會返學搵啲同學較技，正是日子有功，嗰陣只有手下敗將，少有棋逢敵手，搞到以為自己真係象棋神童。有日路經戲院，見到門口擺有棋檔，仲有好多殘局，即係雙方的棋子佈局已預先設定，通常睇起嚟都係強弱懸殊，一方仲要係險象環生。當時年少既無知，且氣盛，心想今日竟能在公園校園以外，揚名街頭，當即磨拳擦掌，放低銀両挑戰，仲差點就殺敗對手。然後檔主仲要大讚我棋底好，他幾乎招架不住。結果飄飄然之下咪再接再厲，屢敗屢戰，最後就係輸咗成大半個月嘅食晏錢，同時學識咗乜嘢係「揼雞」！
公仔箱論壇$ ~; Q% c2 r3 D6 w$ l# O- Y/ E$ {! S
其實如果唔係殘局已成，兼且看似有機可乘，我都未必會咁易心動；再者擺檔嘅真係靠棋技搵食，貨真價實，同我呢啲玩票性質豈能相提並論，所以講到尾都係自視過高，心甘落叠，輸棋只係技不如人，怪不了誰。我普通人一個尚且懂得自省，CY常詡一己之能，卻只識諉過於人，話盤棋並唔係佢捉開，冰封三尺，我夠知唔係一日之寒，但係無論係個廚房，或者個雪房，有幾熱同幾凍，都可與你無關，只係你自己爭住要服務市民、報效國家，一心去唐登位。

事實上，上任政府喺呢兩年確係抱住「得過且過」嘅看守心態，無所作為，置很多的社會矛盾於不理，任由樓價、雙非、水貨等問題日益惡化，直到怨聲載道，民望大跌。CY看在眼裏當知機會難逢，所以先打出「穩中求變，適度有為」的旗幟，並針對個別議題提出強硬的主張，無非就係要予人有心有力去「改弦易轍」的觀感。因此特首競選初期，他的人氣高企，豈會無因。公仔箱論壇* e" x/ X* g, b9 z4 i0 k
+ o# p6 c' A4 H N. e, n
反之，唐唐受政府施政未見寸進所累，復見個人私生活有所「缺失」，順位的算盤才打不響，但如果唔係咁，家陣佢又何嘗能夠輕鬆嘆紅，隔岸睇戲。而CY亦應感激上手「Hea做」，先造就佢能夠趁勢上位，家陣火勢一發不可收拾，唔去追究邊個火上添油，卻責成死灰，言語惹人討厭。

不過講到心中有氣嘅，計我話應該係范太，繼早前明寸CY，話若然上屆政府有乜嘢做得唔啱，咁點解佢唔改變政策，因為佢執權在手，再者雖則有危機，亦都係表演才能嘅好機會。如果自己沒才能，就唔好怪人。而呢兩日范太繼續發功，再指冇一個政府係唔需要捉上一盤棋，即係話做行政長官冇得推卸責任。正是字字么心，句句有骨。唔知，仲以為范太落敗特首選舉，先有咁大怨氣，乜你有聽到唐唐嘅冷嘲熱諷咩？
tvb now,tvbnow,bttvb. M h8 P$ C# ~1 r" e
盧先亞

歡迎光臨公仔箱論壇 (http://5.39.217.76/)