公仔箱論壇 - Powered by Discuz! Board

標題: [其它] iPhone5傳聞大總結　長芒好揸手 [打印本頁]

作者: julianlee 時間: 2012-8-17 08:07 AM 標題: iPhone5傳聞大總結　長芒好揸手

iPhone5傳聞大總結　長芒好揸手

越接近「9.12」 iPhone5現身大日子，網上傳聞就越瘋癲！上網搜尋一下，真假消息絕對多到人都癲！無 Google Maps用、網傳無預載 YouTube統統唔緊要，最重要係新機熱傳採用四核處理器、屏幕加大但比例變得修長，睇得舒服之餘，仲好好揸手㖭！

記者：陳國輝
攝影：周旭文
傳聞一　芒加大機變長講到最瘋傳聞，肯定係 iPhone5外形。以往見唔少出位手作仔，但最堅最多人信嘅，可能係呢款採用鋁合金底殼，並混入玻璃元素嘅至潮設計。呢部由手機維修公司 iLab Factory親手炮製嘅 iPhone5樣辦機，真到似層層。據資料講，屏幕由3.5吋改為4吋，並拉長成16比9顯示， Full Screen睇戲一流！其餘細位好似耳筒由側邊移至底部，以及插槽從30Pin縮小為19Pin等。

■
機身採用鋁合金底殼並混入玻璃元素之後，出現了兩截色。

■
內地網站瘋傳緊一幅 iPhone5設計圖，長闊厚資料詳盡，信不信由你。

■
據講 iPhone5厚度只有7.6mm，比上一代4S薄了一截。

傳聞二　一頁顯示20個 Apps而目錄設計上，外國網站9to5Mac也估計， iPhone5解像度達到1,136×640，亦即表示由本來顯示16個 Icon，現增加至20個 Icon，操作上確實便利唔少。

傳聞三　四核機內置 NFC硬件方面，傳聞 iPhone5會內置 A6四核心處理器以及1GB RAM，表現比4S嘅 A5更快更順；仲有唔少得，當然係剛起步嘅4G LTE制式，以及內置 NFC晶片等，並預料喺傳送檔案上，將會更開放。

■
傳聞話前後鏡頭會提升為300萬及1,200萬像素。

■
預計電話卡轉用較細嘅 Nano SIM。

■
插槽將會由30Pin變為19Pin，體積也縮細了。

傳聞四　 YouTube另行下載新機唔使講係行 iOS6，除咗 Home介面有新變化，仲因 Apple同 YouTube嘅協議已屆滿，亦即係話 iOS6會踢走 YouTube預載，將之變成一款需自行單撈嘅 App；至於鐵定放棄嘅 Google Maps， Apple早前已宣佈會加入自家設計嘅3D地圖，喺最新版本 iOS6 Beta中，便有波士頓、亞特蘭大等地區更新，至於亞洲區如中港澳，預料短期內未必有得玩。

■已公佈嘅3D地圖，幾乎肯定內建於 iPhone5。

■
估計 YouTube將不再屬預載 App，不過可自行下載使用。

淘寶預炒￥6,688？最多人關心及傳得最癲，就係9月12日發布、9月21日推出，亦即比傳統推出日子早成個月！不過先達 Sales阿 Roy唔多認同傳聞，認為蘋果唔會為迎戰三星 Note2而改變策略。至於估計炒價，阿 Roy認為炒上過萬元無難度，肯定唔止淘寶咁叫價六千幾人仔咁低囉。

「相信蘋果如過往喺十月先發佈新機，相信首批應炒過萬元。」

■淘寶網已有 iPhone5預購，叫價￥6,688？換番港紙成八千蚊。

先達反應：4S瘋狂插水iPhone5未出，已深深影響用家買機意欲。最近多咗人落先達放4S，原因係按傳統，每次 Apple公佈新型號，舊一代都會勁跌$800以上。目前4S回收價已嚴重插水，以16GB為例，回收價已跌至$4,000以下，相信接近九月會進一步下跌。

作者: j___y_i_u 時間: 2012-8-17 11:59 PM

感謝大大無私分享~~~~~~

歡迎光臨公仔箱論壇 (http://5.39.217.76/)