公仔箱論壇 - Powered by Discuz! Board

標題: 堅決踢走貪曾不容包庇唐唐 [打印本頁]

作者: tyktyk22000 時間: 2012-6-7 01:21 PM 標題: 堅決踢走貪曾不容包庇唐唐

距離七月一日愈來愈近，政府換屆進入倒數階段，呢一個貪得無厭嘅曾蔭權到底會唔會引咎辭職？又或者，立法會議員有冇辦法通過不信任動議？功夫茶唔係識得掘窿作法嘅生神仙，當然冇本事未卜先知啦，不過以煲呔曾嗰種賴皮性格推測，掃把拍都唔走嘅可能性極大。/ \. z5 m/ w' T1 N) {; | _

大家唔好唔記得，經過曾氏政權親疏有別嘅長期訓練，立法會之內充滿是非不分嘅政治擦鞋仔，保皇派一吹雞就可以為貪曾築起人肉長城，簡直就係一個刀槍不入嘅保護罩。照咁睇，不信任動議通過嘅可能性都唔大，除非保皇派之中有幾個稀有物種良心發現，認為捍衞廉潔奉公嘅核心價值好過捍衞「香港第一貪官」嘅八月十五，咁就另計。; q( ]3 U+ q, e
唉，所以話啫，高官問責制確係徹底失敗，一個二個有責不問，貪勻全世界都可以逍遙法外。如果曾蔭權真係賴死到最後一分鐘，硬係要等到夠鐘先至執包袱落台，功夫茶惟有將希望寄託於廉政專員公署。普通公務員收取二千元月餅禮券，已經被判監三十六個月啦，退休警長喺澳門接受價值兩萬元嘅免費住宿，又要入獄十五個月，貪曾接受富豪奢華款待之餘，又連公幹外訪嘅簽帳積分都中飽私囊，廉署唔依法辦事打老虎就冇天理嘞。假如包青天再世，相信會向貪曾動用狗頭鍘，等你入住總統套房扮「中環民國大總統」咁過癮吖嗱。
講到有責不問，前任官府老二唐英年都係咁不知所謂。唐唐非法僭建地下行宮，東窗事發至今已經幾個月，相關官僚執咗法未呀？有冇雷厲風行拆佢屋呢？
講真吖，好彩唐英年敗選特首咋，如果唔覺意畀佢成功偷雞，七月一日登基踐祚，香港肯定雞犬不寧。你知啦，香港好好歹歹都叫做法治之區，雖然法律女神近來受到鹹豬手性騷擾啫，始終爛船尚有三斤釘，萬一由知法犯法嘅感情缺失男做特首，前景絕對悲哀，諗起都打冷震。公仔箱論壇; p+ A3 {) r4 v# S! ?8 I. v* K. T% x% h
嗱，咪話功夫茶唔提醒未來特首梁振英，大和解唔代表和稀泥，即使要同自己嘅前度惡性競爭對手冰釋前嫌，都唔容許目無法紀。意思即係話，唐唐僭建係犯法行為，涉嫌利用虛假文件欺騙屋宇署更加係刑事罪行，梁特首必須秉公處理，唔可以包庇縱容，以示撥亂反正嘅雄心壯志。冇錯，家陣嘅官場政界真係好鬼死亂，雖然未算男盜女娼，不過已經男盜女盜。盜者，偷也，僭建俱樂部一眾男女成員咪就係空間神偷囉！5.39.217.76& e4 l m6 b. _; h- L3 f
總而言之，堅決踢走貪曾，不容包庇唐唐，法律女神不得再受褻瀆！

歡迎光臨公仔箱論壇 (http://5.39.217.76/)