公仔箱論壇 - Powered by Discuz! Board

標題: 五恥評核問責官員 [打印本頁]

作者: tyktyk22000 時間: 2012-5-23 12:44 PM 標題: 五恥評核問責官員

煲呔曾當年聘請首批副局長及政治助理，除了「薪酬過高，卻完全做唔到嘢」令市民印象深刻外，就係招聘過程完全黑箱作業，任人唯親。候任特首為了撥亂反正，早前決定大幅削減政助薪酬後，又發新聞稿話有關職位學歷不拘，只要「有理念、有承擔、有能力」的人士出任。
坦白講，應徵清潔工嘅阿嬸，甚至洗廁所嘅阿叔，都需要「有理念、有承擔、有能力」，否則都做唔好份工！也許CY所講過於空泛，候任特首辦主管羅范椒芬日前撰文透露，新政府將為問責官員設立一個表現評核標準以及職系管理制度，又話會用人唯才揀選副局及政助，揀唔到情願將職位懸空。9 l; d8 w& E; n+ I
老朽好佩服新政府有呢種「寧缺毋濫」嘅務實精神，之不過評核機制是否「公平公正公開」，就要睇新政府怎樣去實際操作。《禮記．雜記下》提到君子有「五恥」，可供新政府參考：一是「居其位，無其言」，身居要職對職務唔在行，不能發表意見，或講親都錯，恥也；二是「有其言，無其行」，有意見，卻不能確實推行（老朽諗起慳電膽），恥也；三是「既得之而又失之」，實行了己見卻不能持續保持，恥也；四是「地有餘而民不足」，表面上看起來管轄的土地廣闊，但治內人民都很貧困，貪曾治下嘅香江就係咁，恥也；五是「眾寡均而倍焉」，大家所得的收入都不多，而自己卻比別人多得一些，恥也！但願新政府嘅問責團隊，能令群眾滿意及高興。

歡迎光臨公仔箱論壇 (http://5.39.217.76/)