公仔箱論壇 - Powered by Discuz! Board

標題: 失職高官應減薪千祈唔好又呃人 [打印本頁]

作者: tyktyk22000 時間: 2012-5-23 12:35 PM 標題: 失職高官應減薪千祈唔好又呃人

吓？問責高官薪酬引入可加可減機制？唔好呃鬼食豆腐喎，你知啦，被欺騙嘅感覺好爛好爛好鬼死爛！
, E, C0 l; ` |4 x0 x" }; W
件事係咁嘅，正當問責高官醞釀大幅加薪引起各界不滿之際，候任特首辦主管羅范椒芬發表鴻文，透露下屆新政府有一個宏圖大計，將為一眾司長局長設立表現評核標準以及職系管理制度。聽講，候任特首梁振英將於上任之前為每名司長局長訂出工作目標，之後「中期檢討」以評估工作成效，如不達標可能減薪。
「攞飯焦分」又講到，梁振英會以用人唯才嘅原則揀選副局長同政治助理，如果真係冇適當人選，會好似現屆政府咁將部分職位懸空。tvb now,tvbnow,bttvb3 k! g1 L( D: F) S6 n8 I' R' t
嗯，呢一位狼營大內總管到底係講笑定係講真？若然表現不達標嘅問責高官要接受減薪懲處，當然大快人心啦，鬼叫你薪高糧準福利好過美國總統咩，尸位素餐失職者減薪實在係應有之義。令人不得不擔心嘅係，問責制出晒名係有責不問，部分官老爺更加抱持「乜都唔知、人工照支」嘅心態，所謂引入薪酬可加可減機制會唔會又係空口講白話o架？公共交通機構名義上都有可加可減機制啦，實際上票價永遠有加冇減，你吹得佢脹乎！
講到有責不問，其實司長局長都唔算係最攞命嘅重症病患者，嚴重到極嗰個叫做痛心特首曾蔭權。公務員事務局局長俞宗怡最近透露，過去五年總共有十二名公務員干犯《防賄條例》第三條，即係違規收取禮物或者接受款待而被定罪，當中三人被革職、三人被退休、六人被譴責或嚴厲譴責。另外，有九宗公務員行為失當個案，當中三人被革職、五人被退休、一人被降級。
喂，同樣係收取禮物或者接受款待，因乜事幹身為公務員之大哥大嘅貪曾乜嘢懲處都冇？難怪公務員士氣咁低落啦，自己攞小小着數就仕途盡毀，煲呔貪遍海陸空都毋須問責，呢個世界真係好唔公平o架，衰鬼！
其實呢，如果問責高官真係會因為表現欠佳而減薪，功夫茶有少少擔心，將會有人零薪上班甚至負薪工作。大家睇下家陣嘅食衞局局長周一嶽吖，周周孭一鑊都算嘞，竟然不知天高地厚加入官場僭建黨，成為僭建風暴另一名醜聞主角，你唔將佢人工減到變負數都冇天理啦。萬一下屆政府又有周一鑊之流嘅庸碌局長，負薪工作有可能成為國際笑話。公仔箱論壇. v$ ]5 k @+ [
點都好啦，失職高官係應該減薪嘅，千祈唔好又呃人就得嘞。香港人好慘o架，經常被政客官僚跣到一仆一碌，以後都唔想循環再用特首落選人唐英年嘅金句「你呃人」。

歡迎光臨公仔箱論壇 (http://5.39.217.76/)