公仔箱論壇 - Powered by Discuz! Board

標題: 只有東方太陽在　方顯防腐第四權 [打印本頁]

作者: tyktyk22000 時間: 2012-5-4 10:02 AM 標題: 只有東方太陽在　方顯防腐第四權

唔想食物腐敗，通常要落防腐劑。如果唔想腐敗嘅係達官貴人，應該點做？當然唔係落防腐劑啦，曾蔭權雖然係貪腐特首，都唔應該要佢狂吞防腐劑咁殘忍吖嘛。正確做法係從制度入手，依法辦事，秉公處理。除此之外，新聞工作者發揮第四權都好重要㗎，如果缺乏傳媒監察，好多貪官污吏都會逍遙法外。# t% U+ x$ e$ G5 E. X( K
tvb now,tvbnow,bttvb# R+ u% }( i. J5 t0 c3 k
之不過問題係，防貪制度足夠唔足夠呢？功夫茶好肯定咁話畀大家聽，唔——足——夠！5.39.217.76. b' c L9 {$ ], c5 X
睇睇貪遍海陸空嘅煲呔曾吖，自己為自己訂立守則已經唔啱數，所謂守則居然係「無字天書」，毫無文本即係隨口噏當秘笈。既然總舵主冇規冇矩，曾氏朋友集團當然唔會循規蹈矩。最可惡嘅係官官相衞，官商勾結，有制度都變成目無法紀。. M% Z, S) ~4 X4 P! ?/ L
最新例子係曾蔭權親密戰友李國寶，呢一個身兼立法會議員同東亞銀行主席嘅豪門望族，名下物業山頂白加道二十七號僭建一千平方呎天台屋，上月由《東方日報》同《太陽報》獨家踢爆，你估醜聞有乜新進展吖嗱？新進展就係，原來屋宇署早於前年已接獲市民舉報李氏豪宅僭建天台屋，署方遲遲冇採取行動，直至舊年初天台屋建成先至發出清拆令。更加離譜嘅係，東方報業集團揭發醜聞之後，屋宇署先至向僭建物業釘契，比起發出清拆令足足遲咗超過一年，同平時短時間釘契嘅做法有天淵之別。% X9 |: W# o# b
屋宇署因乜事幹龜速成咁呀？係唔係徇私賣放呀？官方解釋話喎，舊年送交土地註冊處嘅清拆令地段號數出錯，上月先至糾正錯誤。嘩嘩嘩，理應專業到唔恨嘅屋宇署居然搞錯地段號數，而且經過咁長時間糾正，正如立法會議員話齋，咁蹺蹊嘅解釋好難接受囉，有必要促請審計署查一查屋宇署。
曾氏朋友集團一個二個僭建，「曾大屋」唔在講啦，地下掘窿掘深咗嘅唐英年呀，外號「煲呔針」嘅鄭經翰呀，再加上李國寶，簡直係一個僭建俱樂部。如果唔係僭建俱樂部圍威喂，開會「三點不露」又醜聞多多嘅李國寶何德何能獲頒大紫荊勳章？寶Baby兩個仔又何德何能做太平紳士？5.39.217.76! Q! T8 H% J3 Z0 j( C2 t( N
香港名義上係三權分立互相制衡，之但係落到曾蔭權手上，行政、立法以及司法已經淪為互相包庇。淨係睇睇立法會議員嘅不知廉恥吖，保皇黨否決對貪曾嘅不信任動議，就知道係乜嘢一回事。
不過大家請放心，東方報業集團堅決承擔監察權貴嘅神聖任務，為民喉舌，為民請命。只要《東方》《太陽》在，方顯防腐第四權，貪官污吏同牛鬼蛇神自必無所遁形！

歡迎光臨公仔箱論壇 (http://5.39.217.76/)