公仔箱論壇 - Powered by Discuz! Board

標題: 接近合格當合格　職訓局侮辱人格 [打印本頁]

作者: tyktyk22000 時間: 2012-5-2 10:29 AM 標題: 接近合格當合格　職訓局侮辱人格

教育局話要推出德育課程喎，計功夫茶話齋，職業訓練局第一個要接受道德教育，事關該局相當缺德。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。0 m) V5 s4 r6 H* q) X9 p8 p" P- X7 z
未講職訓局如何缺德之前，有必要同大家重溫一個經典故事，主人翁就係鼎鼎大名嘅差不多先生。話說差不多先生為人處世事事差不多，阿媽叫佢買紅糖，結果買咗白糖，原因係差不多。急病睇醫生，搵個獸醫治病都係差不多。一個唔覺意獸醫將自己醫死咗，差不多先生臨終最後遺言係：活人同死人都係差不多，何必太認真呢！* R0 T4 {# h9 d5 z
好嘞，言歸正傳，職訓局嘅缺德行為係咁嘅，為咗提高學生嘅考試合格率，局方居然向教師發出「溫馨提示」，如果學生成績接近合格邊緣，咁就可以從寬處理㗎喇，不妨將佢改為合格。
呢嗱嗱嗱，明明係肥佬，改到變合格，咁嘅行為係咪同差不多先生冇乜分別呢？職訓局教學人員協會會長楊惠強指出，該校英文科合格分數係四十分，但近年屢次收到會員投訴，話校方要求教師將三十八點一分至三十九點九分嘅「接近合格」學生列作合格，三十八分或以下仍然維持列作不合格。
喂，敗選特首嘅唐英年都識講啦，僭建就係僭建，違規就係違規，意思係冇得側側膊唔多覺。身為教育機構嘅職訓局，神聖任務係作育英才，有乜可能濫竽充數？合格就係合格，肥佬就係肥佬，咁先至係實事求是嘅做法吖嘛。; W/ h4 k- ~$ H. \$ a# V( I8 e
仲有，楊惠強非常不滿校方另一個做法，竟然質疑有十一個班級學生獲得A級同B級嘅百分比超過四成，提示要再評核。嘩，大佬呀，人哋差不多合格嘅你就當係合格，人哋用功讀書考到好成績你又質疑，咁即係點呀？難怪楊惠強批評校方不但侮辱教育工作者嘅尊嚴，更加對勤奮讀書嘅學生極不公平。
所以話啫，職訓局袞袞諸公真係要接受德育再培訓，否則咯喎，摧毀學歷認受性不特止，亦會誤人子弟教壞下一代。你知啦，小朋友純潔嘅心靈好容易受到污染㗎咋，一旦以為差不多合格都可以變成合格，日後可能會諗，差不多合法都係合法吖，差不多廉潔都係廉潔吖，咁就會做出好多類似曾蔭權所作所為嘅貪腐勾當。
大家明唔明貪曾點解覺得自己舔盡便宜嘅行為係「問心無愧」呀？原因正正就係差不多先生上身，活人同死人都係差不多，貪官同清官都係差不多，何必太認真呢！
總而言之一句到尾，香港係法治之區，一就一，二就二，凡事唔應該差不多。接近合格當合格，職訓局侮辱人格，如果唔撥亂反正，局方名譽差不多掃地！

歡迎光臨公仔箱論壇 (http://5.39.217.76/)