標題:
尋味時光收檔 領匯攞架嚟丟
[打印本頁]
作者:
tyktyk22000
時間:
2012-4-15 01:12 PM
標題:
尋味時光收檔 領匯攞架嚟丟
面係人哋畀，架係自己丟。領匯最近搞咗個「尋味時光」推廣活動，話要尋味旗下商場老字號食肆喎，點知時光就尋唔到喇，尋到一片噓聲就真，結果出師未捷身先死，推廣活動喺劣評如潮之下焗住提早收檔。嗱，呢啲咪叫做自己攞架嚟丟囉！
( z7 D* D+ A: ~% y. e7 m
% t) y1 F3 x/ d$ ~! k
唔知邊個蠶蟲師爺度出呢條屎橋，領匯上月起展開一連兩個月嘅「尋味時光」活動，印製飲食指南，仲喺社交網站設專頁，介紹旗下商場三十間老字號食肆，仲請嚟明星同食家做代言人，以為可以廣收宣傳之效。可惜宣傳就係宣傳喇，不過係負面嗰種，活動推出後引起市民強烈反彈，網上更掀起一場群情洶湧嘅反領匯行動，「尋味時光」被網民惡搞成「尋你老味」，真係抵死。領匯見勢色唔對，拿拿臨將活動腰斬，聲稱避免對「社會和諧帶來影響」喎！
2 j. ]# d O" y/ s$ |8 Y9 z0 L( c
+ G! p4 x! K) W' o7 y
人貴有自知之明，做乜都好，最緊要清楚自己位置，領匯今鋪丟晒架，就係因為缺乏自知之明。自從領匯接管公屋商場之後，為咗賺錢無所不用其極，又瘋狂加租，又拒絕續約，千方百計逼走小商戶，好多陪伴街坊成長嘅老字號就咁慢慢消失。嗰頭扼殺市民嘅集體回憶，呢頭又叫人「尋味」老字號，領匯九唔搭八，究竟係攞景定贈興呢？
: w. c4 L2 o0 z9 A, c3 V
+ h" V2 r* F" r
有人形容今次係領匯嘅「公關災難」，其實領匯為富不仁，形象早就衰到貼地，舉行乜嘢公關活動都補唔番喇，正如網民話齋，領匯根本冇資格搞懷舊。呢，話口未完，又有小商戶被迫遷。青衣邨街市兩家經營多年嘅商舖投訴，領匯為咗遷就馬會開投注站，居然提早終止呢兩家商舖嘅租約，叫佢哋搬去既冇消防設施又冇貨倉嘅舖位，而且只肯作出免租一個月嘅補償，完全違反合約精神，簡直打橫嚟，豈有此理！
: W1 C T% Y9 V6 y5.39.217.76
L5 j! P L k, ^7 m# Z7 F
冇錯，領匯係上市公司，追求利潤本來無可厚非，但唔好唔記得，領匯旗下商場同街市嘅服務對象係基層市民，趕走做街坊生意嘅小商戶，即係逼基層市民買貴嘢，咁就唔係在商言商，而係無良兼無賴吖。講開又講，當年牙籤婆婆打官司阻止領匯上市，就係因為擔心領匯上市後會損害市民利益，依家不幸而言中，真係夠晒諷刺。
$ I1 I$ ~. s* \
$ n/ c8 T! j4 `) o \5 }( G% Z1 d
歸根究柢，領匯毫無企業良心，罔顧社會責任，罪魁禍首就係港府。港產官僚為咗推卸責任，將領匯上市後就關人個關，小商戶被迫遷又好，小市民捱貴貨又好，佢哋一於懶理。唉，特衰政府助紂為虐，一手養大領匯呢隻吸血怪獸，仲夠膽話福為民開，真係唔知醜字點寫！
歡迎光臨 公仔箱論壇 (http://5.39.217.76/)
Powered by Discuz! 7.0.0
