公仔箱論壇 - Powered by Discuz! Board

標題: 李國寶涉嫌僭建　曾朋友無法無天 [打印本頁]

作者: tyktyk22000 時間: 2012-4-14 10:20 AM 標題: 李國寶涉嫌僭建　曾朋友無法無天

政治常識題，唐英年同李國寶有乜嘢共通點？畀個貼士大家，佢哋嘅共通點至少有三個。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。" H; g$ \6 i* R1 R0 n y; `

冇錯，呢對政壇孖寶嘅第一個共通點，就係大家都係政治寄生蟲。一個為官九年吊吊揈，任內政績毫無建樹；一個做議員年年成為大懶蛇，開會遲到早退「三點不露」。
第二個共通點，佢哋都係桃色醜聞嘅男主角，一個係色慾中年，「感情缺失」源遠流長；一個就被指為老不尊，花甲之年仲做「寶Baby」。
至於第三個共通點咯喎，兩人都係「曾朋友僭建營」一分子，家住豪宅仲要僭建，問你服未！
大家可能會問，唐唐就話唔覺意「挖深咗」，搞咗個地下王宮出嚟啫，唔通李國寶亦有地底行宮？佢唔係「挖深咗」，而係「起高咗」，唔覺意多咗一間「天台王宮」。具體啲講，李國寶山頂豪宅被本報踢爆懷疑僭建天台屋！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。" E; y3 }% `/ C- ^
話說李國寶○八年以一億零六百萬元買入白加道二十七號其中一個頂層複式單位連天台，○九年向屋宇署入則申請加建屋內升降機，最奇嘅係，當升降機建成之後，李國寶繼續喺天台大興土木，但係呢次就無入則，明眼人一睇就知乜事啦！公仔箱論壇* ]- C5 ~( c- ]8 H3 q0 A" c
果然，地政總署照片所見，豪宅天台○八年係冇搭建物嘅，一○年就出現類似天台屋嘅搭建物，面積約一千平方呎，以山頂豪宅呎價計算，價值閒閒哋五千萬元，你話係咪「天台王宮」先？4 k3 N8 ]7 @8 x" u2 z* Y
唐唐「謊唐」僭建，李國寶回應僭建醜聞一樣閃閃縮縮，前晚接受查詢時唔認有天台屋，尋日圖文並茂曝光之後，就改口話白加道間屋唔係佢設計，如果有僭建會拆走云云。咁即係不打自招喇！
嗱，如果真係僭建，唔好諗住狡辯隱瞞呀，唐唐有辦你睇，搞到被人恥笑無膊頭、無腰骨，咁就羞家啦。不過咁，李國寶都唔怕羞家嘅喇，佢做議員三點不露不特止，仲要涉嫌違規僭建，簡直係知法犯法，點只羞家咁簡單吖。仲有，佢身為上市公司主席，公司盈利麻麻哋，但佢自己嘅人工就天咁高，被小股東鬧爆，仲有乜資格講膊頭同腰骨吖！
講開又講，捲入僭建醜聞嘅權貴又何止李國寶同唐唐吖，煲呔曾嘅半山「祖屋」一樣被揭公然圍封露台，「煲呔針」鄭經翰嘅山頂大屋亦有僭建天台屋，四人貴為特首、高官、議員，目無法紀，簡直係一擔擔，唔怪得畀人稱為「曾朋友僭建營」！5.39.217.761 q A% f$ a6 d2 Z# ^
北大人話，子帥以正，孰敢不正？計功夫茶話齋，子帥不正，孰會以正？港府清拆新界僭建物舉步維艱，道理一字咁淺，「曾朋友」圍威喂僭建，新界居民自然唔服。好簡單，港府要清拆新界僭建物，拆咗「曾朋友僭建營」先啦！

歡迎光臨公仔箱論壇 (http://5.39.217.76/)