公仔箱論壇 - Powered by Discuz! Board

標題: 表裏不一誠信盡失 [打印本頁]

作者: tyktyk22000 時間: 2012-4-6 11:50 AM 標題: 表裏不一誠信盡失

《爽報》大肆宣淫，內容不雅，荼毒青少年，引起社會強烈不滿。立法會喺二月中曾召開聯席會議討論，出席嘅大部分團體都連珠炮發，譴責《爽報》宣淫販賤。然而，白鴿黨嘅代表議員竟又聾又啞，全程「齋坐」，代議士竟變晒木偶，唔通撞邪見鬼？! e- {2 m. ?8 J: A# v: L0 N, A

非也！原來白鴿黨曾接受過淫賤黎大筆捐款，開講都話「拿人錢財，替人消災」。老朽納悶——咁都唔使埋沒良知啩！尤其身為教育界代表嘅張文光，眼見《爽報》免費通街派，不雅內容荼毒學生哥，點解連出句聲都唔敢，試問作為一個教育工作者嘅代表，其良知在哪裏？是非不分，善惡不明，他還有資格代表教育界嗎？
tvb now,tvbnow,bttvb) ]" c% |4 r% g# h# A+ E# H5 y& b
白鴿黨埋沒良知都算咯，好衰唔衰，事隔個多月，白鴿黨忽然又扮正義之士，就《爽報》宣淫事件响立會提交意見書，字眼亦只是「關注」，又避重就輕，要當局唔好以打擊不雅內容為藉口而干預新聞自由喎。如此移形換影、整色整水、賊過興兵，明眼人一睇就知係做騷，為九月立法會選舉向家長及教育界嘅選民草草做個交代，避免選票流失！

世界邊有咁便宜架？白鴿黨其實應該以變色龍為黨徽。之不過，佢哋講一套，做一套，表裏不一致，無晒誠信，試問有識之士又點會信佢哋會誠心為港人爭取民主啊！向淫賤黎爭取多啲「銀紙」仲實際！一味吹水又冇原則，咪再扮正義之士霸佔道德高地喇，好心！

歡迎光臨公仔箱論壇 (http://5.39.217.76/)