公仔箱論壇 - Powered by Discuz! Board

標題: 京官開口叫釋法　堵截雙非勿再拖 [打印本頁]

作者: tyktyk22000 時間: 2012-3-10 10:34 AM 標題: 京官開口叫釋法　堵截雙非勿再拖

京官開口叫釋法　堵截雙非勿再拖5.39.217.76# j- L3 p6 z" P6 c$ @
好咯，京官終於表態，阿爺終於示意，困局終於有望解開！
公仔箱論壇7 q8 s$ i2 X" t L: P3 d/ g7 \2 R7 P# }
大家咪誤會，功夫茶唔係講緊特首選舉。唐英年醜聞纏身，又感情缺失，又僭建地下王宮，又有私生子，民望衰到貼地，睇怕都幾難翻身。北京今次係出手拆解雙非炸彈就真。tvb now,tvbnow,bttvb& u: m' A& v& ` O, w7 B
有基本法委員會負責人引述港澳辦主任王光亞講話，指雙非孕婦來港產子問題需要法律方法解決，倡議香港再次提請人大釋法。基本法委員會直屬全國人大，主任係全國人大常委會副秘書長喬曉陽，如果話以上意見唔代表中央，講都無人信啦。4 Z* S# s* h6 I* C6 y' y, a
唔知係睇穿港府鍾意卸膊吖，定係驚港府係牛皮燈籠點極唔明，京官仲特別指明，話啟動釋法嘅三個程序中，由人大主動釋法或者由香港法院提請釋法都不適合，最好係由港府操刀。嗱，京官講到咁白，港府再無藉口嘞啩，仲唔快快接旨做嘢，拆解雙非困局！
話時話，提請人大釋法杜絕雙非，功夫茶早就要求港府咁做，唔係功夫茶有先見之明，只係港府冥頑不靈。雙非孕婦如決堤之洪水源源湧港，逼爆產房，攻陷母嬰健康院，可以話十萬火急，點知港府闊佬懶理，你急佢唔急，所謂行政措施治標不治本，真係畀佢吹脹！
最好笑嘅係，曾蔭權唔止老點港人，居然仲點埋廣東省省長朱小丹，要求幫手打擊中介公司活動。結果點呢？廣東省上月巡查咗六十二間中介公司，確定違規嘅只有十二間，即係話絕大部分中介公司仲繼續運作，大模廝樣運送內地大肚婆來港產子，你吹咩？
講嚟講去，解決雙非問題嘅最有效方法就係透過釋法，取消雙非嬰嘅居港權。當年終審法院因「莊豐源案」打開雙非缺口，港府當年冇提請人大釋法補救，已經係行錯第一步，今日雙非問題尾大不掉，香港不得安寧，港府係咪好應該盡快撥亂反正呀？嗱嗱嗱，煲呔曾爆出貪腐醜聞死不認錯，最多搞到自己身敗名裂，遺臭萬年，但如果成個港府都係擇惡固執，咁就唔同講法喇，受罪嘅係全港市民吖！
咦，係喎，咪怪功夫茶杞人憂天，京官表態支持釋法，煲呔曾敢唔敢逆旨拖得就拖呢？你知啦，煲呔曾時日無多，家陣朝思暮想盤算退休之後去邊度歎世界，傍住邊個富豪黐飲黐食黐屋住，仲邊有閒情逸致關心香港人嘅福祉吖！成千上萬市民上街叫佢落台，佢都可以當時運高聽唔到，京官嘅口諭，佢可能又係當耳邊風嘅咋！

歡迎光臨公仔箱論壇 (http://5.39.217.76/)