公仔箱論壇 - Powered by Discuz! Board

標題: 新聞自由玩完一國兩制收檔 [打印本頁]

作者: tyktyk22000 時間: 2012-2-2 09:46 AM 標題: 新聞自由玩完一國兩制收檔

有人話，明鏡係醜婦嘅共同天敵。其實，講到天敵，新聞自由先至係庸官嘅集體噩夢，佢哋欲去之而後快，封鎖扼殺，乜嘢污糟邋遢手段都使得出。唔怪得香港新聞自由指數排名跌到阿媽都唔認得，陷入最黑暗時期咯。: ~: M- Z/ s: b- `5 Q
tvb now,tvbnow,bttvb! O$ k: h" s4 Y
傳媒係市民獲得新聞最主要同最快捷嘅渠道，尤其係突發事故，如果冇傳媒嘅及時報道，好多真相將會不見天日。舉個例，某幢大廈發生火警，鄰近樓宇有冇被波及、有冇封路，市民主要係透過傳媒報道先至知道；又例如，鴨脷洲同灣仔日前先後出現色魔，如果唔係傳媒廣泛報道，市民根本唔知原來街市同鬧市處處陷阱，到頭來只會有更多人受害。事實證明，新聞自由對香港好重要，冇咗新聞自由，香港將會失去核心價值。公仔箱論壇4 F A2 a2 J( r- Y& p
可惜嘅係，港府倒行逆施，竟然視傳媒為眼中釘，絞盡腦汁打壓新聞自由。呢，繼警方之後，消防處尋日起亦全面取消俗稱「聽機」嘅模擬制式無線電通訊系統，傳媒日後再唔可以透過聽機得悉火警等突發事故嘅消息，只能獲得官方篩選嘅「二手新聞」，時間慢咗唔在講，到底信唔信得過，亦令人質疑。大家都知，官僚最鍾意選擇性發放消息，報喜不報憂，佢哋靠得住，豬乸都會上樹喇！
功夫茶唔係靠嚇o架。嗱，上個月上水發生嘅精神病漢斬人事件，負責緊急救護嘅消防並冇發放消息，佢哋聲稱刑事案應由警方公布喎，弊在警方歎慢板，事發後足足三粒鐘至披露事件。試諗吓，如果疑兇冇被當場捉到，繼續揮刀亂劈，而市民就一無所知，會有乜嘢後果吖？你話當局係咪靠害吖？公仔箱論壇2 d8 ^ I. k7 s- ?
講到底，警方同消防封鎖消息來源，根本就係剝奪市民知情權，摧毀香港核心價值。正如立法會議員話齋，當局敵視傳媒，打壓新聞自由，令香港由文明走向專制，等於自毀根基嘅咋。
講開打壓新聞自由，港府無所不用其極，簡直罄竹難書。遠嘅唔講，舊年國家領導人訪港引起嘅港大保安風波，警方對記者兇神惡煞，臭名遠揚，淪為「港產公安」。仲有吖，新政府總部名為「門常開」，其實對記者諸多設限，「門常關」就真！
醜婦怕照鏡，醜官怕傳媒，其實都係心中有鬼。正所謂，身正唔怕影斜，如果港府唔係施政無能，烏煙瘴氣，不得民心，點會咁害怕新聞自由，點會將傳媒視為仇敵吖。不過咁，欲蓋彌彰，無論港府點樣自欺欺人，始終遮掩唔到醜態嘅。" H' n6 x: p% Y3 a/ f
講真，中港兩地之所以有分別，就係因為香港有新聞同言論自由。港府官僚愈來愈內地化，警隊愈來愈公安化，再咁落去，唔使等五十年，「一國一制」提早嚟到，香港玩完！

歡迎光臨公仔箱論壇 (http://5.39.217.76/)