公仔箱論壇 - Powered by Discuz! Board

標題: 寧做忠義狗　不做無良人 [打印本頁]

作者: tyktyk22000 時間: 2012-1-23 09:55 AM 標題: 寧做忠義狗　不做無良人

今日大年初一，當然要同大家拜年啦。恭喜發財！龍馬精神！萬事如意！公仔箱論壇9 c. T. G% y" c9 d

本來呢，新年流流應該喜氣洋洋，唔應該講一啲唔吉利嘅說話。之不過咁，人生不如意事十常八九，就喺新年前夕發生咗一單唔係咁愉快嘅事件，就係有學術派流氓侮辱香港人，未到初三赤口已經發生口角。# Q& a+ T; X$ G

講到呢度，大家可能都估到功夫茶想講乜。冇錯嘞，有一個叫做孔慶東嘅北大教授，居然口不擇言話「香港人是狗」，又話唔講普通話嘅都係王八蛋。如果換轉係平日，功夫茶一定義不容辭據理力爭，將呢一個由「孔教授」變身「孔叫獸」嘅仁兄招呼得祖宗十八代都遍體鱗傷，你話香港人係狗吖嗱，香港人要你狗血淋頭。問題係今日畢竟係大年初一，實在冇必要同一隻叫獸物體一般見識，以免破壞節日氣氛。所以咯喎，功夫茶想掉轉頭，讚一讚孔慶東，讚佢有眼光知道香港人都係忠肝義膽嘅狗，唔似得有人禽獸不如。
tvb now,tvbnow,bttvb0 E. v9 l! l# _4 Y4 z, l
孔教授之所以狗噏挑起群情洶湧，事件緣於港鐵車廂出現一幕中港情仇。有幾位內地同胞不理港鐵禁止飲食嘅規定，公然畀一位小朋友食點心麵，食到一地都係。一位香港先生睇唔過眼出言勸阻，點不知內地同胞不可理喻，居然爆發一場罵戰。呢件事被拍成短片，上網之後馬上瘋傳。孔教授就認為嘞，小朋友車廂食嘢好小事啫，香港人小題大做針對內地人，所以香港人係狗。

孔慶東其實講得啱㗎，狗係最忠實可靠嘅，從來唔會做違背良心嘅事，見到壞蛋咪吠囉，見到賊人咪咬囉，吠得理直氣壯，咬得義薄雲天。內地同胞違規在先，反而惡人先告狀，先至係愧不如狗。5.39.217.769 j1 @$ D' F/ Y. w; v

有人可能會問，點解近日咁多中港情仇嘅口舌之爭甚至肢體衝突？計功夫茶話齋，內地孕婦不斷來港產子係導火線之一，而特區政府由始至終冇辦法解決問題，結果情況愈鬧愈僵，雙非人同香港人嘅矛盾日益深重。所謂雙非人，即係父同母都唔係香港人而要喺本地生仔嘅內地同胞。5.39.217.761 |6 Q n) G( d4 _, y7 d1 I
5.39.217.76) I' m' h* u2 G0 [
講到特區政府，真係好無良㗎，同樣係愧不如狗。官老爺明知自從「莊豐源案」之後，雙非人有權來港產子吖嘛，名正言順分薄港人資源，由產科床位到讀書學位都爭餐飽，點解唔提請人大釋法呢？船頭驚鬼船尾驚賊，卒之搞到水火不容，更加跳出一個狗噏教授孔慶東出口傷人撕裂民族感情。3 U7 Q/ k) Z/ T2 T( j

不過始終都係嗰句啦，今日大年初一，未到初三赤口冇必要傾盡全力嗌大交，所以功夫茶祝願大家，寧做忠義狗，不做無良人。
公仔箱論壇$ @( T" S3 }, Z2 h8 M2 D o! e2 H- j1 q
龍年快樂！新年進步！

歡迎光臨公仔箱論壇 (http://5.39.217.76/)