公仔箱論壇 - Powered by Discuz! Board

標題: 送舊迎新數醜聞　醫療事故爆不完 [打印本頁]

作者: tyktyk22000 時間: 2012-1-22 09:11 AM 標題: 送舊迎新數醜聞　醫療事故爆不完

一年容易又除夕，送兔迎龍，係時候為港府埋單計數。可惜，港府喺兔年冇瓣掂，計嚟計去都係醜聞，尤其醫療方面更加乏善可陳，孕婦逼爆醫院、醫療事故不斷、前線醫護疲於奔命，真係數到天光都數唔晒。
tvb now,tvbnow,bttvb8 m3 X$ h5 q3 I8 H  G
呢，年尾流流又爆醫療事故喇，沙田醫院兩個月內居然有兩名病人跌死，一個病人燒傷，簡直匪夷所思。有位八旬老伯因為肺炎同皮膚炎住院，喺病房跌倒竟然冇人理，延誤多時先被發現，轉送威爾斯醫院搶救無效死亡。
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。9 T6 v6 h$ n0 M' N
另外有位七旬老伯腎衰竭入院，被院方評為容易跌倒類別，話就話需要特別措施防跌，但實際上老伯去廁所並冇醫護人員攙扶，只能由家人代勞，結果不慎跌倒，轉送威院三日後不治。5.39.217.76- Z8 O, m! s  `

恐怖古仔陸續有來，有病房服務助理為婆婆吹乾頭髮時，冇關風筒就走去處理另一病人，五分鐘後先至折返，家人其後發現婆婆左肩被風筒熱風吹到起水泡。雖然未至於搞出人命，但吹頭變燒烤，諗起都恐怖！

唔使勞煩專家，小學生都可以判斷，沙田醫院呢三宗醫療事故除咗人為疏忽之外，與人手不足亦有關。院方承認，過去三年醫護人員流失率約百分之五。唉，人手有出冇入，醫院流血不止，點可能唔爆完一鑊又一鑊呀！
tvb now,tvbnow,bttvb9 ^+ m0 N5 O3 a+ m
弊在醫療醜聞喺公立醫院已經變咗傳染病，一間係咁，間間都係咁。呢嗱，貴為全港最先進教學醫院嘅瑪麗醫院，殘殘舊舊，甩皮甩骨，手術室唔夠位放儀器，牆身剝落兼漏水，被形容同第三世界國家有得揮。但食物及衞生局一於少理，寧願動用百億喺啟德興建冇迫切需要嘅兒科專科中心，都唔肯盡快撥款重建瑪麗醫院，問你服未。
公仔箱論壇4 g) W8 ]  E( C; n4 j3 ~3 F
最離譜就係，當局對孕婦逼爆醫院嘅問題視而不見，關人個關。其實，「雙非大軍」唔止逼爆產房，仲不斷衝擊急症室，醫療系統瀕臨崩潰，好似屯門醫院咁，本地孕婦被迫瞓走廊帆布床，真係冇陰功！煲呔曾迫於民意壓力，日前拋出所謂四招應對，包括加強入境把關、提高衝急症室分娩收費等，但根本治標不治本，形同虛設，唔怪得被本地媽媽怒斥「正廢柴」。5.39.217.768 Z7 q3 E& v. d3 v& }$ I; k
5.39.217.76: m+ P, a4 D  z* W) k& a
醫療亂象不絕，當局做過啲乜？聘請海外醫生拖拖拉拉未有下文；解決內地孕婦湧港問題，釋法連提都唔敢提。家陣禽流感威脅未除、猩紅熱又殺到，公立醫院資源不足，管理不善，早已病入膏肓自身難保。咪話功夫茶唔點醒當局，千祈唔好畀黃大仙「莊子夢蝶」嘅靈籤批中，如果渾渾噩噩，繼續發夢，公營醫療系統遲早崩潰！

歡迎光臨公仔箱論壇 (http://5.39.217.76/)