公仔箱論壇 - Powered by Discuz! Board

標題: 港鐵安全排第二　遲裝幕門冇誠意 [打印本頁]

作者: tyktyk22000 時間: 2012-1-14 10:10 AM 標題: 港鐵安全排第二　遲裝幕門冇誠意

添馬艦新政府總部雖然命名為「門常開」，可惜實際操作係落閘放狗，經常粗暴對待記者，所以被揶揄為「門常關」。其實呢，功夫茶想問問大家，正常一道門到底係開好呢，定係關好？tvb now,tvbnow,bttvb+ y- W% v M, r

答案顯而易見，一道門嘅開關狀態當然係視乎情況而定啦，有時係開好，有時係關好。開門方便進出，關門以策萬全，呢個道理應該三歲細路哥都冇可能唔識。之但係香港有一個好奇怪嘅現象，港鐵先至係「門常開」嘅忠實支持者，事關鐵路沿線好多月台仍然冇幕門，簡直就係永遠處於中門大開不設防嘅危險狀態！公仔箱論壇7 C L9 k. I: @, g( k
喂，月台缺乏幕門真係好鬼死危險㗎，有人可能一個唔覺意跌落路軌，正所謂一失足成千古恨。又有人可能存心不良，故意將三唔識七嘅陌生人推落路軌。更加有人可能自尋短見，縱身一躍就成為路軌之鬼。既然係咁，月台幕門實在有必要盡快安裝，開嘅時候方便進出，關嘅時候以策萬全。
尋日喎，立法會鐵路事宜小組委員會再一次討論港鐵安裝月台幕門問題，你估港鐵點講吖嗱？佢哋話喎，東鐵線由於要配合改善月台同訊號系統工程，預計幕門要到二○二○年先至可以投入服務。港鐵車務工程總管梁泉材話喎，現時東鐵線及馬鞍山線二十二個車站仍未加裝幕門，主要受到月台及訊號系統等技術問題限制，必須配合沙中線工程同步解決。' ]& j3 w) V* q, [0 L# C
一聽到要再等八年先至有月台幕門，係人都火滾啦。議員紛紛發炮狠批，認為港鐵冇誠意處理幕門問題，擔心未裝上幕門之前，仍然會有乘客墮軌嘅意外發生，要求港鐵先安裝幕門，不必等到沙中線通車先至投入服務。公仔箱論壇8 U3 |. W2 H5 ]; j( R: ^, f) M
計功夫茶話齋，港鐵真係冇誠意㗎，安裝月台幕門都唔知講咗幾多年咯，講完又係充耳不聞，乘客一個接一個橫死路軌。冇幕門呢一個「門常開」狀態，絕對荒謬過新政府總部嘅「門常關」，最低限度保安粗暴對待記者暫時未搞出人命。
成日都話安全第一命長久，港鐵到底將乘客嘅生命安全放喺乜嘢位置呢？肯定唔係第一，頂多只排第二，排第一位嘅毫無疑問係賺大錢。5.39.217.76/ L- G4 a. f" p, p( u
唔係咩？港鐵年年盈利豐厚之餘，又唔肯盡快安裝月台幕門，而且不斷漠視民意起勢加價，嗰一種金錢第一嘅嘴臉表露無遺。唔好唔記得，幕門費用係乘客額外承擔㗎，咁都仲要等八年，唔墮軌死，都激鬼死喇！
實在難怪政府民望咁低殘，港鐵大股東係邊個呀？政府囉，官老爺任由港鐵為所欲為，金錢擺首位，安全排第二，市民大眾唔反感至奇！

歡迎光臨公仔箱論壇 (http://5.39.217.76/)