公仔箱論壇 - Powered by Discuz! Board

標題: 民意全面不滿紓困切莫更廢 [打印本頁]

作者: tyktyk22000 時間: 2012-1-11 09:43 AM 標題: 民意全面不滿紓困切莫更廢

咦，呢一個江湖傳聞會唔會係真嘅呢？如果係真嘅，財爺曾俊華睇怕又要被剷上天花板。

傳聞係咁講嘅，鬍鬚曾將於下月一日公布任內最後一份財政預算案，政府唔會再派錢，只係退稅及提高免稅額，現正研究退稅金額，但冇計劃修改稅階。至於公屋同綜援方面，曾蔭權已於去年施政報告宣布寬免兩個月公屋租金，並且綜援出雙糧，所以唔會再加碼，政府亦會就差餉寬免訂出細節。7 m- I# J ~: M
大家應該記得上一份「史上最廢」預算案發生乜嘢事，鬍鬚曾本來打死都唔肯派錢，後來受壓於群情洶湧而跪低，死死地氣答應開倉。如果今次又話唔派錢，會有乜嘢後果呢？
不如咁啦，先睇睇民意再講。最新港大民意研究計劃調查顯示，市民最關心民生問題，然後係經濟同政治問題。滿意程度方面，市民對當前嘅經濟、政治同民生狀況全部出現負數，當中不滿民生狀況嘅比率急升十個百分點。具體咁講，不滿民生狀況嘅市民有五成四，只有一成九認為滿意。以年齡層分類，三十至四十九歲受訪者最不滿民生狀況，高達五成八。) j. [4 S! `5 p8 [0 t. A( \* x, J
經濟、政治同民生狀況全面不滿，再加上曾俊華計錯數，庫房大把錢在手，愈窮愈見鬼嘅市民會點諗呢？係呀，再一次計錯數呀，原先預計本年度有八十五億元赤字，後來因為賣地成績理想而收入增加，變成預計盈餘可能有五百億元以上。! U% [; ]- M8 w; X1 T
即係咁，家陣嘅局面仍然係官富民窮，現屆政府最後一份財政預算案如果冇惠民措施，不滿情緒肯定升溫。你知啦，民怨沸騰呢家嘢可大可小，當初觸發非洲突尼斯茉莉花革命嘅導火線都係民生問題咋，一個小販自焚抗議，卒之燒到幾個懶理民間疾苦嘅獨裁政權砰砰磅磅土崩瓦解。
講開民調，前一排港大民調亦顯示，曾蔭權評分只有四十九分，比上次調查下跌一點二分。支持率跌得仲勁，僅得百分之二十一，反對率高達百分之七十一，民望淨值係負五十個百分點，係出任特首以來最差數字。點解煲呔曾民望跌得咁ＰＫ嘅呢？原因好明顯啦，懶理民間疾苦吖嘛，施政作風永遠唔將小市民利益放於優先位置，民望成績表想唔見紅，除非太陽由西邊升起。* ?% D& C$ {( J6 j, {4 P' q1 Z( [2 b
計功夫茶話齋，煲呔曾雖然好快就夠鐘落台，不過點都應該督促一下自己嗰個難兄難弟鬍鬚曾，吩咐佢寫好最後一份預算案。假如財爺交出一份「史上更廢」嘅九流功課，隨時臨落台之前都要爆大鑊。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: i( n. l2 M3 [( b0 D9 Y4 o' c# I
總而言之，庫房大把錢在手嘅情況之下，預算案必須開倉紓困，千祈唔好廢過舊時！

歡迎光臨公仔箱論壇 (http://5.39.217.76/)