公仔箱論壇 - Powered by Discuz! Board

標題: 奴才惡過主人　狗嘴不吐象牙 [打印本頁]

作者: tyktyk22000 時間: 2012-1-8 12:29 PM 標題: 奴才惡過主人　狗嘴不吐象牙

汕尾「狗官」辱罵媒體、恐嚇村民嘅猙獰面目，大家已經見識過，原來呢類人形狗官並無地域之分，港產公僕發起爛渣，可能連內地同類都要寫個服字。

呢，上水居民劉先生不滿重鋪路面工程封閉行人路，市民焗住行出馬路，險象環生，於是向地政總署新界行動組辦事處投訴，點知畀一名自稱該署人員以粗言穢語鬧足十分鐘，仲指投訴人係刁民添。好彩投訴人夠醒目，立即用手提電話拍下呢位粗口公僕嘅一言一行，令佢醜態畢露，無所遁形。5.39.217.765 E) P3 i; i8 @1 ~+ Y! p; w- [
5.39.217.767 X: i1 _- F5 ]
功夫茶為求寫實，喺度節錄部分爆粗內容畀大家分享吓：「我最×憎你啲刁民，不知所謂，見乜就投訴，冤有頭債有主，呢度係房委會範圍，梗係唔關我事，我教精你啊，阻到你咪打三條九囉！」0 q2 F: T4 r# v/ W8 K: D9 {- R/ {
tvb now,tvbnow,bttvb: B8 L' O0 ?6 E) Y: l6 [! [
喂喂喂！人哋投訴啫，使唔使惡到咁交關吖？政府服務市民天經地義，就算做唔到有求必應，最起碼有問必答，好聲好氣啩。身為公僕，唔可以為市民排憂解難，已經係失職，仲要以粗言穢語相向，奴才惡過主人，豈有此理！功夫茶想問聲，如果投訴人係刁民，咁粗言穢語嘅公僕又係乜？係狗嘴吐不出象牙？
tvb now,tvbnow,bttvb( U' X4 L/ g; }8 z
退一萬步講，即使市民嘅投訴同本部門無關，完全可以將個案轉介畀相關部門，反正港產官僚卸膊技術一流，就算關自己事，都經常詐傻扮懵，將個波踢嚟踢去嘅喇。
5.39.217.76* {$ w/ i3 m0 m7 b0 {
更離譜嘅係，當投訴人劉先生專程由上水去到粉嶺嘅北區地政處，投訴部門人員態度惡劣，該處人員居然聲稱管唔到新界行動組，叫劉先生到位於北角嘅地政總署總部投訴喎。公仔箱論壇; d$ \& B* i: V& ?3 x

嗱，呢啲就叫做卸膊嘞，一個卸畀一個，總之玩殘市民為止，睇吓你哋啲「刁民」仲敢唔敢投訴！

所以話，近朱者赤，近墨者黑，隨着中港官員交流愈來愈頻繁，港產官僚好學唔學，學埋內地狗官恃勢凌人、狐假虎威、無法無天嘅土皇帝作風，喺市民面前擺晒官威，指手畫腳，大聲夾惡，正一狗仗人勢，狗眼看人低！

講開又講吖，香港話就話實行「一國兩制」，其實港府施政作風愈來愈內地化，睇怕唔使等五十年，好快就會「一國一制」咯。呢嗱，煲呔曾政府好大喜功，學埋內地大搞政績工程，乜嘢「十大基建」、「六大產業」，講時天下無敵，做時有心無力。最好笑係打造所謂「門常開」嘅新政府總部，為求盡早入伙，工程日趕夜趕，驗收求求其其，結果門常開變成惡菌溫床，高官人人自危，淪為國際笑柄。: p# l& l. _+ a0 `3 Q" C0 A" t

唉，官場內地化，公僕動物化，所謂香港核心價值，究竟仲有幾多呢？計功夫茶話齋，既然港府咁鍾意學內地嗰一套，不如索性叫阿爺派人落嚟管治，炒晒港產官僚好過！

歡迎光臨公仔箱論壇 (http://5.39.217.76/)